amalinks wokungena

Umanyano weCODE Unganqoba iZanu PF Kungela MDC-T leZimPF Na?

  • Chris Gande

Umkhokheli webandla le MDC-T, uMnu. Morgan Tsvangirai eloMnu. Simba Makoni owebandla le Mavambo/Dawan/Kusile (MDK)

Ukungabi khona kwamabandla amakhulu kumanyano we Coalition of Democrats (CODE) kutshiye abanye bedanile ngoba bathi kuzakubanzima ukungqoba ibandla le Zanu PF kukhetho.

Amabandla akumanyano we CODE abalisa ele Democratic Assembly for Restoration of the Economy (DARE), MDC ekhokhelwa nguMnu. Welshman Ncube, Mavambo Kusile Dawn (MKD), Renewal Democrats le Zimbabwe United for Democracy (ZUNDE) ekhokhelwa nguMnu. Farai Mbire.

NgoLwesine ibandla lePeople’s Democratic Party lalo lingene kumanyano lo.

Ukuhlaziya loludaba sixoxe lengcwethi ecubungula ezombusazwe, uMnu. Nkululeko Sibanda, endawonye lolwela ilungelo labasakhulayo, uMnu. Gift Siziba, owenhlanganiso ye Tajamuka-Sesijikile onguye osungula lingxoxo.

UMnu. Siziba uthi: "Ngokubona kwami ukumanyana kwamabandla wona lawo amancane ngoba amavoti wona lawo amalutshwana yiwo awenza ukuthi amabandla aphikisayo enganqobi kukhetho."

Wengezelele esithi lanxa kuqakathekile ukubambana okudanisayo yikuthi kulamanye amabandla aphikisayo angafuni ukumanyana lamanye amabandla afana leMDC-T le Zimbabwe People First ekhokhelwa nguNkosikazi Joice Mujuru.

UMnu. Sibanda yena uthi okudanisayo yikuthi emazweni asacathulayo abantu abanengi bafuna ukubusa okwenza bengangeni kumanyano besithi yibo abafuna ukukhokhela.

"Kodwa ngilethemba lokuthi njengoba sesisondela kumnyaka ka 2018 amabandla azananzelela ukuthi lanxa ecabanga ukuthi aqinile awasoze anqobe ibandla le Zanu PF ewodwa," kutsho uSibanda.

Facebook Forum

XS
SM
MD
LG