amalinks wokungena

Breaking News

Umanyano weSADC Udinga Amaqhinga Okwenqabela Ukumemetheka Kwegcikwane leCoronavirus


SADC LOGO

Igcikwane leli, elaqhamuka eChina, selisabalele emazweni emanengi labulala inkulungwane ezintathu lamakhulu amahlanu abantu-3, 500 lahlasela abedlula kancane inkulungwane ezilikhulu-106, 000 emhlabeni jikelele.

Abaphathintambo bomanyano weSADC bathi gwaqa ngoMvulo edolobheni le Dar es Salaam eTanzania, emhlanganweni wesiphangi-phangi ojonge ukuphuma lesinqumo sokwenqabela ukumemetheka kwegcikwane le corona virus emazweni abo.

Igcikwane leli, elaqhamuka eChina, selisabalele emazweni emanengi labulala inkulungwane ezintathu lamakhulu amahlanu abantu-3, 500 lahlasela abedlula kancane inkulungwane ezilikhulu-106, 000 emhlabeni jikelele.

Uhulumende weSouth Africa uthi sokulabathathu elizweni lakhe asebehlaselwe yileligcikwane.

Amanye amazwe aselalo abalisa eleUnited Kingdom, United States of America, Italy, Australia, Nigeria, Morocco, Egypt, Algeria, leSenegal.

Uhulumende weZimbabwe uthi akulamuntu oseficakale elalo elizweni lakhe, lanxa kulabambalwa abake bacatshangelwa ukuthi libahlasele, asebehloliwe njalo batholakala bemsulwa.

Uhulumende uthi owesifazana ofike elizweni evela eChina ngenyanga edluleyo, otshone engakafiki esibhedlela se Wilkins lapho okuhlolwa khona leligcikwane, utholakale engelalo, kukanti omunye njalo obevela eThailand usahlolisiswa ukuthi engabe elalo na esibhedlela esifanayo.

Sixoxa loMnu. Ngqabutho Mabhena, umgcinisihlalo wenhlanganiso yeZimbabwe Community in South Africa ngaloludaba.

please wait

No media source currently available

0:00 0:04:13 0:00


Facebook Forum

XS
SM
MD
LG