amalinks wokungena

UMawarire Ukhululwa Esitokisini Ngoba Esedlulise Isikhathi Sokuthoniswa

  • Chris Gande

UMfundisi Evan Mawarire esemthethwandaba.

Idale likamantshi ele Harare ngoLwesibili linqume ukuba uMfundisi Evan Mawarire we #ThisFlag movement akhululwe athoniswe esuka ngekhaya ngemva kokubotshwa kwakhe ngempelasonto esetheswa icala lokuvukela uhulumende lokutshotshozela uzulu ukuthi amhlamukele.

Umantshi uMnu. Elisha Singano, nguye ophe les'isinqumo ngemva kokuba amapholisa ephuze ukumletha edale ukuzothoniswa icala alibotshelwe ngempelasonto lokwethula umfanekiso owe video enkundleni yokukhulumisana yebulenjini eye Facebook ekhonona ngenhlupho ezibhekane lelizweni esithi inkokheli kahulumende kayikuboni na ukuhlupheka okwenza uzulu phansi kombuso kaMongameli Robert Mugabe.

UMawarire ulethwe emthethwandaba egqoke impahla yezibotshwa njalo ebotshwe amaketane ezandleni lenyaweni.

Umantshi uthe isikhathi esisemthethweni sokuba isibotshwa simiswe emthethwandaba, esingamalanga amabili, besesedlule ngakho-ke kumele uMawarire akhululwe.

IStudio 7 yenelise ukuxoxa loMnu. Tineyi Mukweva, igqwetha eliyingcwethi kwezokulondolozwa kwamalungelo oluntu. UMukweva uthi uMawarire ubesevalelwe ukwephula iziqondiso zamacala akudala.

"Isisekelo siyatsho amalungelo akho kodwa esikubonayo njengenhlanganiso elwela ilungelo likazulu utholukuthi uhulumende lezinye iziphathamandla zikahulumende zicabanga ukuthi sisebenzisa isisekelo sombuso welizwe esingayisiso lesi," kutsho uMukweva.

Facebook Forum

XS
SM
MD
LG