WASHINGTON —
Umkhokheli womzalalazo we#ThisFlag njalo engumfundisi uMnu Evan Mawarire ngoLwesithathu usole ukutshaywa kwamalunga eTajamuka/Sesijikile ngamapholisa ngesikhathi etshengisela eHarare.
Ekhuluma emhlanganweni ongenwe yizizalwane zeZimbabwe esigodlweni seMelika, iWashington DC, uMawarire uthe lokhu kuveza sobala ukuthi uhulumende kaMongameli Mugabe ubusa ngodlame.
Umfundisi Mawarire uyilandule njalo imbiko ethi usetshenziswa ngamazwe afana leMelika leBhilithani ukubangela ukungahlaliseki elizweni leZimbabwe.
“Batshaywe kabuhlungu abantu ngesikhathi betshengisela phezu kodaba wama-bond notes namuhla,” kutsho uMawarire ekhuluma emhlanganweni oqoqwe yinhlanganiso yeAtlantic Council.
