amalinks wokungena

Breaking News

Imibono Kahulumende weMelika

Umbiko Oveza Umbono kaHulumende weMelika

U.S. Secretary of State Mike Pompeo
U.S. Secretary of State Mike Pompeo

Njengesibonelo sokuzimisela ekulwisana lokuthengiswa kwabantu, uhulumende weMelika wethule ugwalo oluchaza ngaloludaba, olwe 20th Annual Trafficking in Persons Report (TIP) ngenyanga edluleyo.

Ekhuluma lapho kusethulwa lolugwalo, umabhalane omkhulu kahulumende uMnu. Mike Pompeo uthe ukuthengiswa kwabantu, okugoqela ukubanjwa ngamandla ukusebenza, lokusetshenziswa kwezocansi kuyaqhubeka emhlabeni jikelele.

“Kulabantu abayizigidi ezingamatshumi amabili lanhlanu-25 million asebekhulile, abantwana abahlukuluzwa ngokusetshenziswa gadalala Kanye lakwezo cansi emhlabeni wonke. Lokhu yikwehlisa umuntu isithunzi sakhe, yena edalwe ngomfanekiso kaNkulunkulu, okukhomba sobala ukuthi ukuthengiswa kwabantu kubi,” kutsho uMnu. Pompeo.

Ngomnyaka odluleyo, umongameli Donald Trump waphungula olunye uncedo kubohulumnede abalitshumi lanhlanu, abakusigaba sesithathu, ese Tier three, okuyiso esikhokhelayo kuloludaba, njengokuchasiswa lugwalo lweTIP.

NgoZibandlela kuwonalo umnyaka, umongameli Donald Trump wathi eleMelika seliphe imvumo yokuthi kusetshenziswe imali eyingxenye yamadola ayibhillion, ukwenqabela ukuthengiswa kwabantu.

UMnu. Pompeo wakhetha izibonelo ezimbalwa ezokuphumelela kwaloluhlelo ezimunyethwe kugwalo lwe TIP:

“Amazwe angamatshumi amabili asesusiwe ezingeni lokhukhokhela ekuthengisweni kwabantu, njalo alitshumi lantathu phakathi kwawo akuzwekazi leAfrica,” kugcizelela uMnu. Pompeo.

Ugwalo lweTIP lukhuza amazwe ancediswa ngohulumende awo ukuphoqa abantu ukusebenza njalo alokhe ekhokhela kuloludaba ezingeni likaTier three. Phakathi kwalamazwe kule China, lapho uhulumende webandla leCommunist Party andise ukuphoqa izizalwane zakhe ukuthi zisebenze gadalala ukuthuthukisa uhlelo lwakhe okuthiwa yi Belt and Road.

Abasebenza lapha ngabomhlobo we Uighurs, Kanye labokholo lwesiMoslem, abalutshwana kulelolizwe, ababanjwa ngamandla ukuthi besebenze eXinjiang lakwenzinye izigaba zelizwe.

KweleCuba, uhulumende kaCastro uthembe imali evela kunhlelo zakhe zempilakahle. Kulengcwethi kwezempilakahle ezizinkulungwane ezingamatshumi amahlanu-50 thousand abasebenza emazweni angamatshumi ayisithupha-60.

Abanye babo sebabaleka njalo bathi babanjwa ngamandla ukusebenza kulawomazwe. Amanye amazwe ayavumela abezempilakahle ukuthi bebasebenzele lanxa kusobala ukuthi babanjwe ngamandla, njengoba bethathelwa incwadi zokuhambisa ezama passports, izivumelwano zabo zokusebenza zingacacanga, nalo iholo labo liphiwa ohulumende bemazweni abo hatshi bona.

“Silwisana lokuthengiswa kwabantu ngohulumende kwabo ngamandla ethu wonke ngoba labo ohulumende bakhohlakele. Endaweni yokuthi belondoloze amalungelo oluntu bayawabhidliza. IUnited States ayisoze igoqe izandla ibukele ohulumende beqhubeka ngenhlelo zokuthengisa abantu lokuhlukuluza amalungelo ezizalwane zabo” kusonga uMnu. Pompeo.

please wait

No media source currently available

0:00 0:03:56 0:00


See all News Updates of the Day

UMnu. Dube Munkombwe weMDC-T Usekubandla leZANU PF

UMnu. Dube Munkombwe
UMnu. Dube Munkombwe

Owayelilunga leMDC-T uMnu. Dube Munkombwe usetshiye ibandla eliphikisayo waya kwele ZANU PF lapho emukelwe yiziphathamandla zebandla elibusayo ngoMvulo ezigoqela oMnumzana Mike Bimha lo Obert Mpofu.
Bemukelwe njalo nguMnu. Blessing Chebundo, umkhokheli wogatsha olubona ngabavela kwamanye amabandla abangena kuZANU PF, olubizwa ngokuthi yiKumusha Home Ekhaya Program, elomsekeli wakhe uNkosazana Memory Sibanda.


UMnu. Munkombwe oleminyaka engamatshumi amane lanhlanu-45, uthi ungomunye wababumba ibandla leMDC ngomnyaka ka 1999 njalo wake waba ngumgcinisihlalo weBinga Rural District Council wasephatha ezinye izikhundla zobukhokheli kugatsha lwabatsha eBinga, koBulawayo, leMatabeland North.

Utshele iStudio 7 ukuthi akukho okumqoka asekufezele abantu selokhe wabalilunga lebandla eliphikisayo ngakho useuna ukusebenza lebandla leZANU PF athuthukise impilo zabantu.

please wait

No media source currently available

0:00 0:03:32 0:00

Kuconjwa Iwofisi yeCCC Ngombala Oluhlaza Okwesibhakabha Ngabacatshangelwa Ukuba Basekela uChamisa

The Citizens Coalition for Change offices in Bulawayo have been painted blue by activists said to be linked to Nelson Chamisa who dumped CCC
The Citizens Coalition for Change offices in Bulawayo have been painted blue by activists said to be linked to Nelson Chamisa who dumped CCC

Amawofisi ebandla leCitizens Coalition for Change koBulawayo aseconjwe ngombala oluhlaza okwesibhakabhaka ngabacatshangelwa ukuba ngabalandeli bebandla leli abasekela uMnu. Nelson Chamisa asanda kulitshiya. Amawofisi la abependwe ngombala olithanga.

Ukuconjwa kwamawofisi la kumangalise abalandeli baka Chamisa abasekela uMnu. Sengeo Tshabangu labanye bakhe. Sehlulekile ukuxhumana lesikhulumeli sebandla leli uMnu Promise Mkhwananzi obengadobhi umakhalekhwikhwini wakhe laye okubikwa ukuba usesithi nguye osekhokhela elinye icele leCCC.

Sixoxe loMnu Pashor Sibanda owakhitshiswa nguTshabangu edale lephalamende othi umbala lo ngokunye kwalokhu ababekusebenzisa ibandla leli lisakhokhelwa nguChamisa.

UMnu. Charles Phiri osekela uChamisa kukhanye ubekwamukela okwenzakalayo njalo esithi umkhokheli wakhe wenze kahle ukusuka kubandla leli.

UMnu Alfred Dzirutwe, isikhulumeli secela leCCC elikhokhelwa nguTshabangu uthi sebemangalele emthethwandaba abantu abacombe isakhiwo sabo ngombala oluhlaza okwesibhakabhaka.

UMnu. Dougas Mwonzora umkhokheli weMDC-T laye udla amalahle esithi isakhiwo lesi ngesebandla lakhe ngakho-ke akumelanga sibangwe ngabakubandla leCCC. lsakhamuzi sakoBulawayo uMnu Ben Moyo laye uveza umbono wakhe ngokwenzakalayo kubandla leCCC.

Isakhamuzi sako Bulawayo uMnu. Maluba Mhlaba usola okwenzakala kuCCC lenyathela lokucomba amawofisi esiba yisibhakabhaka.

Kukhanya sekulamacela amanengi aweCCC agoqela okukhanya engani likhokhelwa nguMnu. Welshman Ncube, uMnu. Jameson Timba loMkhwanazi. Lokhu kulandela ukutshiywa kwebndla leli nguChamisa olakho ukusungula elitsha. UNcube usanda kukhokhela umhlangano omkhulu oweCCC lapho obekuhlolisiswa isimo sebandla leli. Kuthehwe izinqumo ezimbalwa emhlanganweni lo okugoqela ukuba bonke abakhethwa okusemthethweni kumele behlale ezikhundleni zabo. Kwelinye icele bathi ibandla leli kumele likhokhelwe nguTimba. UChamisa laye ulakho ukusungula elakhe.

Udaba Silethulelwa nguNtungamali Nkomo

please wait

No media source currently available

0:00 0:05:38 0:00

Abantu Abedlula Inkulungwane Ezintathu - 3,004 Batholakala Belegciwane leCOVID-19 eZimbabwe

Uhlangothi lwezempilakahle luthi kulabantu abayisithupha ababulewe ngumkhuhlane weCOVID-19 izolo eZimbabwe kwathi abedlula inkulungwane ezintathu – 3.004 bahlolwe batholakala belegciwane leCoronavirus.

Lubikwa njalo ukuthi umkhuhlane lo usubulele abedlula inkulungwane ezine lengxenye – 4,735 kusukela ngoMbimbitho nyakenye.

Luthi asebehlatshwe ijekiseni yakuqala yokuzivikela kumkhuhlane weCOVID-19 eZimbabwe bafika phose izigidi ezine – 3.9 million kuthi-ke asebehlatshwe eyesibili befika phose izigidi ezintathu – 2.9 million.

Uhulumende uthi umkhakha omutsha oweOmicron uyamemetheka elizweni. USikhwicamfundo Solwayo Ngwenya, osebenza esibhedlela seMpilo, uthi abantu kumele bazivikela kumkhuhlane lo.

USikhwicamfundo Solwayo Ngwenya Ukhuluma Ngomkhuhlane weCOVID-19
please wait

No media source currently available

0:00 0:00:48 0:00


Udaba lwabosomabhizimusi abakhala ngezikhathi zokuvula lokuvala umsebenzi siluphiwa nguAnnahstacia Ndlovu

Udaba lwabosomabhizimusi abakhala ngezikhathi zokuvula lokuvala umsebenzi siluphiwa nguAnnahstacia Ndlovu
please wait

No media source currently available

0:00 0:03:36 0:00

Ukwengezelela

XS
SM
MD
LG