Isiphathamandla esibona ngombukiso wamabhizimusi oweZimbabwe International Trade Fair uMnu. Busisa Moyo ubikwa esithi usuzakubakhona kusukela mhlaka 21 kuMpandula koBulawayo, hatshi ngo Ntulikazi ukwenzela ukwenqabela ukumemetheka kwegcikwane leCOVID 19.
Encwadini abikwa eyilobele uhulumende, uMnu. Moyo uthi iziqondiso zokwenqabela ukumemetheka komkhuhlane weCOVID 19 zizalandelwa ngokuqinileyo ngalesosikhathi.
Amazwe asegcizelele ukuthi azabukisa abalisa ele Angola, Belarus, Botswana, Indonesia, Japan, Malawi, Mozambique, Namibia, Nigeria, South Africa, le Tanzania.
Ngakwelinye icele, uhulumende uthi uzaphatheka embukisweni ofanayo kwele Russia, owe Russia International Industrial Trade Fair.
Asizweni umbono kaMnu. Ambrose Sibindi, umgcinisihlalo wenhlanganiso yeZCTU esigabeni sangentshonalanga yelizwe, ngaloludaba.
