amalinks wokungena

Breaking News

Uyaqala Umbukiso Womceco oweMatebeleland Fashion Show


Umbukiso weMatebeleland Fashion Show
Umbukiso weMatebeleland Fashion Show

Umbukiso wempahla zokugqoka oweMatabeleland Fashion Week uqale ngoLwesine edolobheni lakoBulawayo kulehlekana labantu abangene kumbukiso wabathunga impahla oqhutshelwe endaweni ye Woodlands ngaphandle kwesitolo sako Fazak.

Umbukiso walonyaka wensuku ezintathu, uqhutshelwa phandle kwesitolo se Fazak Home and Hyper esitholakala endaweni ye Woodlands koBulawayo.

Abathunga impahla ababukise ngoLwesine ntambama ngabathi inkampani ethiwa Linco C ekamnumzana Nkosi Nkomo, iHomBoy ekamnumzana Nkosilathi Nkomo, iTribes eka mnumzana Gift Tsingano kanye leCrocky ekamnumzana Talent Ngwenya.

UNgwenya utshele iStudio 7 ukuba yena uqale ukuthunga ngomnyaka ka 2011 esesikolo se Bulawayo Polytechnic njalo bekungokwakuqala ukubukisa emkhosini ofana lalo.

Bebebalutshwane kabi abantu ababhadale ukuzothapha ngamehlo umbukiso wangoLwesine.

Obhala ngezomceco uLyanda Ndlovu yena olekhasi lakhe elibizwa ngokuthi Frontrow263 ebulenjini uthi indleko zokungena yizo ezidondise abantu abanengi njengoba bekumele umuntu ehlukane lamadola alitshumi lanhlanu-$15, ngamunye okutsho ukuba nxa efuna ukuzobukela ngawo wonke amalanga amathathu kumele ehlukane lamadola angamatshumi amane lanhlanu-$45.

Lumbukiso uqhubekele phambili ngoLwesihlanu ntambama lapho obekubukisa abathungi bempahla abagoqela uNkosazana Nyasha Mtangamira owe The Diva Brand, uNkosazana Annie Maliki owe Litso, uNkosazana Thembelihle Fuyana owe The Principle kanye loNkosazana Louisa Choruma owe Mosi Designs.

Omunye laye othanda ezomceco njalo eloba ngazo ebulenjini kukhasi alibiza ngokuthi Fashion Friday uEmma uthi abantu bazabuya ngobunengi babo ngoLwesihlanu langoMgqibelo ntambama ngoba bekhululekile njengoba kuyimpelaviki.

Umcimbi lowu owe Matabeleland Fashion Week wona ongene kumnyaka wesibili lonyaka uqoqqwa ngunkosazana Amanda Mtangadura njalo ufika emaphethelweni kusasa ntambama lapho okuzabukisa khona abathungi abavela ngaphandle kwelizwe abagoqela uMillicent Nkangane odabuka elizweni le South Africa kanye lo Enyioma Emwerem ophuma eWest Africa.

XS
SM
MD
LG