amalinks wokungena

Breaking News

Umndeni: uNdiweni Ulokhu Eyinduna Ngoba Samkhetha Njalo Asaziswanga Ukuthi Ususiwe Esikhundleni


UMnu. Felix Nhlanhlayamangwe Ndiweni

Induna zeMatabeleland zibikwa zisithi sezikhuphe uMnu. Ndiweni esikhundleni ngoba engayisilo izibulo okwakufanele lithathe isikhundla sikayise umuyi uChief Khayisa Ndiweni.

Umdeni wenduna uMnu. Felix Nhlanhlayamanwe Ndiweni ithi uMnu. Ndiweni ulokhu eyinduna yeNhlambabaloyi ngoba yiwo eyamkhethayo njalo ilezizathu ezibalulekileyo ngokwenza lokho.

Induna zeMatabeleland zibikwa zisithi sezikhuphe uMnu. Ndiweni esikhundleni ngoba engayisilo izibulo okwakufanele lithathe isikhundla sikayise umuyi uChief Khayisa Ndiweni.

Obikwa elizibulo, uMnu. Jorum Ndiweni wakhweza loludaba emthethwandaba, esithi lanxa engakhethwanga, indodana yakhe yakuqala yiyo okwakufanele ithathe isikhundla sikayise.

Kodwa isikhulumeli somndeni wakoNdiweni, uMnu. Wilson Bancinyane Ndiweni, uthi udaba lolu aluphumelelanga emthethwandaba.

Uthi unina wamadodana kaNdiweni uNkosikazi Masuku, wachasisa ukuthi kungani uMnu. Nhlanhlayamangwe Ndiweni kunguye okufanele kube yinduna, kukanti umndeni yiwo owazi kuhle ngenzalo yawo.

UMnu. Bancinyane-Ndiweni, othi welamana lomuyi uChief Khayisa Ndiweni, uthi nguye uqobo owalobela owayengumongameli uMnu. Robert Mugabe incwadi emazisa ukuthi uMnu. Nhlanhlayamangwe Ndiweni nguye ozakuba yinduna, njalo kaqedisisi ukuthi ezinye induna zingena ngaliphi kuloludaba.

please wait

No media source currently available

0:00 0:04:41 0:00


Kusenjalo ummeli weBinga North edale lephalamende uMnu. Prince Dubeko Sibanda uthi bakhathazekile njengalelibandla eMatabeleland North ngaloludaba, njalo bazadingisisa ngalo, ngoba beholwa yilezi induna. Kodwa uthi kunuka santungwana.

please wait

No media source currently available

0:00 0:05:22 0:00

Asenelisanga ukukhuluma lezinye induna eziphathelane laloludaba, kumbe lebandla leZANU PF, njalo silokhu siphakathi kwemizamo yokubathinta.

Facebook Forum

XS
SM
MD
LG