amalinks wokungena

Breaking News

Obengumdlali weBasketball uKobe Bryant Kasekho


UMnu. Kobe Bryant
UMnu. Kobe Bryant

Ubhubhe lendodakazi yakhe eleminyaka elitshumi lantathu uGianna ngeSonto ntambama edolobheni le California ngemva kokuwa kwendizamtshina ye helicopter abekuyo.

Umdlali weMelika olodumo oweqembu lama Lakers njalo ekuNational Basketball Association uKobe Bryant kasekho. Ubhubhe lendodakazi yakhe eleminyaka elitshumi lantathu uGianna ngeSonto ntambama edolobheni le California ngemva kokuwa kwendizamtshina ye helicopter abekuyo.

UBryant, obeleminyaka engamatshumi aname lanye-41, utshiya unkosikazi wakhe uVanessa, kanye lamadodakazi amathathu, owokucina elenyanga zokuzalwa eziyisikhombisa.

Umufi wayevame ukusebenzisa ihelicopter esuka emzini wakhe esiya emidlalweni eLos Angeles ngoba esithi emigwaqweni kulemota ezinengi.

Kubikwa bekulenkungu entabeni ze Calabasas njalo ihelicopter le ibonakale ilumatha umlilo lapho isiwa, okwenqabele ukuthi kuhlengwe abantu.

Kodwa amapholisa athi asadingisisa ngembangela yalingozi njalo uSheriff Alex Villanueva weLos Angeles, usole okwenziwe ngumsakazo kamabonakude oweTMZ ngokuqala ukusakaza loludaba izihlobo zabatshonileyo zingakaziswa ngokwenzakeleyo.

Umongameli Donald Trump, unkosikazi wakhe uMelania, owayengumongameli uMnu. Barack Obama, kanye labalingisi abalodumo ama celebrities, bethule amazwi enduduzo ngalesi isehlakalo.

Abanye babo nguLudacris, Missy Elliot, P. Diddy, Shaquille O'Neill, Tom Brady, lo Tiger Woods.

UBryant, owe Philadelphia wakhulela eItaly lapho uyise owayedlala khona umdlalo webasketball. Wahle wadlalela iqembu le Charlotte Hornets ngo1996 eMelika, engakangeni kwelama Lakers, njalo engaqalanga waya ekolitshini njengabanye.

Wafeza okunengi emdlalweni we basketball njalo ulenhlanganiso encedisa ukuqeqetsha abantwana kulumdlalo.

Wake wetheswa icala lokudlwengula owesifazana ngomnyaka ka 2003 kodwa umthethwandaba wamfumana emsulwa. Wavuma kodwa ukuthi wayelobudlelwana lowesifazana lowo phandle komtshado wakhe, i adultery, njalo wambhadala phandle komthethwandaba esemangalelwe ku civil suit.

Abaculi bancome umufi uBryant emkhosini wokunika abalingisi imendulo owama Grammy awards, obusaqhubeka ngesikhathi sisiya emoyeni njalo abanye babo ngu Alicia Keys, Boyz 11 men, kanye leRun DMC ebicula ingoma ethi Walk this Way ilo Steven Tyler we Aerosmith. Abanegi ku red carpet benze okufanayo.

Omunye njalo ohlonitshiweyo kulumkhosi ngumuyi owayengumhlabeleli we rap music, uNispy Hussle obhubhe ngomnyaka odluleyo.

please wait

No media source currently available

0:00 0:02:55 0:00


XS
SM
MD
LG