amalinks wokungena

Breaking News

I-Tsholotsho leDongo Sawmill Aphetha Umdlalo Engutshiki Lobhanqa 1-1


Castle Lager PSL

Imidlalo yenguqu eyesigaba se Premier Soccer League ingene kuviki yetshumi ngoLwesihlanu emini kulomdlalo owodwa obuphakathi kwamaqembu angene lonyaka kusigaba saphezulu athi ele Tsholotsho kanye lele Dongo Sawmill obusenkundleni ye White City edolobheni lako Bulawayo.

Umdlalo phakathi kwamaqembu la, ufike emaphethelweni zingutshiki lobhanqa 1 ka 1 enkundleni ye White City ngoLwesihlanu emini.

Ohlohlele iqembu le Tsholotsho ngu Oceant Ncube ngehlandla lakuqala lomdlalo njalo lumdlali uhlohle ngemva kokuba eke wakhutha umbekwa.

Umklomelo we Dongo Sawmill uvele kuStephen Elias ngehlandla lesibili lomdlalo.

Limpumela idanise umqeqetshi weqembu le Tsholotsho uLizwe Sweswe othi bekumele bathathe yonke imiklomelo.

Iqembu le Tsholotsho selilemiklomelo eyithoba munwe munye ngemva kwemidlalo elitshumi kuthi ele Dongo Sawmill selilemiklomelo emine.

Kusasa iqembu le Chicken Inn lizemukela ele Highlanders enkundleni ye Barbourfields kuthi ele Harare City lizadibana lele Hwange ngase Rufaro, iqembu le Flame Lily lizangqikilana lele Buffaloes enkundleni ye Lafarge, iFC Platinum izadlala le Triangle ngase Mandava Stadium kuthi iqembu le Whawha lizemukela ele ZPC Kariba ngase Ascot.

NgeSonto kulemidlalo emibili njalo owakuqala ngophakathi kweqembu le How Mine lele Dynamos enkundleni ye Barbourfields kuthi esigodlweni iHarare iqembu le

Caps United lizadlala lele Chapungu ngase National Sports Stadium.

..........................

Kolunye udaba olumayelana lomdlalo wenguqu;

Iqembu elimela ilizwe emdlalweni kanobhutshuzwayo liselizweni le South Africa ukuyaphatheka kumncintiswano we Cosafa Senior Men’s Championship wona oqala ngeSonto.

Iqembu le Zimbabwe likusibaya sika Group A ndawonye lamazwe athi ele Seychelles, Mauritius kanye lele Namibia.

Kusibaya sika Group B kutholakala amaqembu athi Lesotho, Tanzania, Swaziland kanye lele Madagascar.

Amaqembu amabili azanqoba kumidlalo yezibaya azafinyelela ukuyadlala kusigaba se quarter- final lapho azathola kulamaqembu agoqela iSouth Africa, Mozambique, Zambia, Ghana, Botswana kanye le Malawi.

Abafana bama Warriors bazadlala umdlalo wabo wakuqala ngeSonto lapho abazangqikilana khona leqembu le Mauritius enkundleni ye Moruleng.

XS
SM
MD
LG