amalinks wokungena

Breaking News

Umqondisi We Shabhani Mines Owakhethwa Nguhulumende Uthwaliswa Nzima Lidale Lephalamende


Umnu. Afaras Gwaradzimba owaphiwa umlandu wokukhangela iShabanie Mashaba Mines ngomnyaka ka 2004, uzamiswa phambi kwe komidi yedale lephalamende ekhangela ngezemigodi ephendula imbuzo ephathelane lokuthi kungani limigodi isibhidlika.

Uhulumende wakhetha uGwaradzimba ukuqondisa umsebenzi wemigodi le aze ethese umnikazi uMnu. Mutumwa Mawere icala lokusa imali emazweni kungela mvumo.

Umnu. Moses Mare, omunye okukomidi le, uthi uGwaradzimba uzamiswa labaqondisi be Shabanie le Gaths Mines ukuze achasise okwenzakalayo ngoba kulembiko ethi izisebenzi sezilomnyaka zingaholi kodwa abaqondisi bebikwa behola ngengwani.

UMare uthi isinqumo lesi sithethwe yikomidi yakhe esanda kwethekelela imigodi le ethole ukuthi kulobutshapha obunengi obenzakalayo emgodini ye Shabanie Mashaba Mines.

Umnu. Masimba Kuchera umqondisi we Zimbabwe Coalition on Debt and Development utshele uGibbs Dube we Studio 7 ukuthi beselidumela emansumpeni ukuthi uGwaradzimba labaqondisi bemigodi le basiwe emthethwandaba.

‚Äč
XS
SM
MD
LG