amalinks wokungena

Breaking News

Umeli weHarare West Ephalamende uJoana Mamombe Useze Wakhululwa yiHigh Court


FILE - Activist Joana Mamombe lies hospitalized in Harare on May 15, 2020. after allegedly being abducted and beaten by police and eventually dumped along the roadside some distance from the capital.
FILE - Activist Joana Mamombe lies hospitalized in Harare on May 15, 2020. after allegedly being abducted and beaten by police and eventually dumped along the roadside some distance from the capital.

Umeli weHarare West edale lephalamende njalo engowebandla leMDC Alliance uNkosazana Joana Mamombe ukhululwe yinkantolo yeHigh Court izolo.

UMamombe ubeselamaviki phose amabili eseChikurubi Maximum Prison lapho avalelwe khona ngumantshi mhlaka 24 ngenyanga edluleyo esithi kumele ahlolwe ngodokotela bakahulumende ukuthi ingqondo zakhe ziyasebenza kuhle na.

Ingqwetha lakhe uMnu Aleck Muchadehama utshele inkundla yeZimLive ukuthi umahluli okhulule uMamombe, uJustice Esther Muremba, usole umantshi owamvalelayo esithi waphambanisa.

Umkhokheli wabasakhulayo kuMDC Alliance uMnu Gift Ostalos Siziba utshele iStudio 7 ukuthi uMamombe ubekhala ngendlela aphathwa ngayo ejele.

please wait

No media source currently available

0:00 0:03:29 0:00

Kusenjalo, umkhokheli weMDC-T uNkosazana Thokozani Khupe labanye bakhe abalitshumi lane bafungiswe ukuba ngamalunga ephalamende leSenate izolo ngemva kokuxotshisa amalunga eMDC Alliance kumadale womabili.

UMaKhupe, uYvonne Musarurwa, uLwazi Sibanda, uJanuary Sawuke, uLindani Moyo, uSipho Mokone loMemory Munochinzwa sebengamalunga edale lephalamende elaphansi, eleHouse of Assembly.

Asebengene kudale lephezulu eleSenate babalisa uMnu Khaliphani Phugeni, uMolly Ndlovu, uThamani Moyo, uGetrude Moyo, uPiniel Denga, uChief Ndlovu, uNomalanga Khumalo loTeti Chisorochengwe.

Eqeda kuthatha isifungo sakhe uMaKhupe utshele intathelizindaba ukuthi nguye osekhokhela wonke amalunga eMDC ephalamende okugoqela aweMDC Alliance.

Umkhokheli weMDC Alliance uMnu Nelson Chamisa labanye bakhe bayakusola kakhulu lokhu besithi kuyadanisa ukuthi abantu abanqotshwa kukhetho sebengenile ephalamende ngemva kokuxotshisa amalunga abo.

Lanxa abasakhulayo beMDC abahluthunele uMaKhupe isigodlo seHarvest House besithi bafuna amacele womabili akhumisane umlotha, ingcwethi kwezombusazwe uMnu Effie Dlela Ncube uthi kaboni kusenzeka lokhu ngoba usumkhulu umonakalo osudalekile phakathi kweMDC-T leMDC Alliance.

please wait

No media source currently available

0:00 0:02:03 0:00

XS
SM
MD
LG