amalinks wokungena

Umgcinisihlalo WeMDC-T Owasongelana loNkosazana Thokozani Khuphe Khona Ezajeziswa

  • Chris Gande

UNkosazana Thokozani Khupe

Umgcinisihlalo webandla leMDC-T esigabeni seMatabeleland South, uMnu. Solani Moyo elokhu engakathoniswa libandla kucala lokuphoselana aqatha lomsekeli kamongameli webandla, unkosazana thokozani khuphe.

Iphephandaba le the Sunday Mail lithi uMoyo ubuyiselwe esikhundleni sakhe sokuba ngumgcinisihlalo wesigaba seMatabeleland South.

Kkodwa umgcinisihlalo webandla leli ilizwe jikelele, uMnu. Lovemore Moyo uthi Solani Moyo ubevele engakamiswa umsebenzi ngoba ikhomidi ethonisa amacala, eye Disciplinary Committee ayikahlali ukuthi ucubungule loludaba.

Leliphephandaba lithi lokhu kutshengisa ukuthi uTsvangirai weyise uMakhuphe kodwa lelibandla liyakulandula lokhu.

USolani Moyo ubikwa waphoselana aqatha lomakhuphe kulandela umhlangano owenziwa esigabeni sakhe esithi uMakhuphe wayengamtshelanga ukuthi uyeza.

Lokhu kwaba yisisusa sokufuthelana phakathi kwaba bili laba okwabangela ukuthi uMakhuphe alobele idale lokuthoniswa kwamacala incwadi yokukhuthaza ukuba uMoyo amiswe ukuba ngumgcinisihlalo wesigaba seMatabeleland South.

Sixoxe loMnu. Lovemore Moyo ukuze sizwe okunengi ngaloludaba.

“Engingakutsho yikuthi njengehofisi kamgcinisihlalo webandla sithole umbiko, ugwalo lulotshwe ngumsekeli kamongameli, umama uMakhuphe ukuthi umgcinisihlalo weMat South ngenxa yezizatho kade ezihlelile yena njengokubona kwakhe. Silendlela esisebenza ngayo njengenhlanganiso ikakhulu nxa kuyikuthi kulokufisa ukumisa ilunga le National Council, ugwalo lolu luyathathwa luyethulwa enkundleni ye National Executive,” kutsho uMoyo.

Facebook Forum

XS
SM
MD
LG