amalinks wokungena

Breaking News

I-Youth Development Trust Ihlangana leBCC Ngodaba LwamaPre-paid Water Meters


Water Prepaid Meters

Uhlelo lolu luzabangela ukuthi impilo yabantu ibe lukhuni ngamandla, ngesikhathi inengi lamafekithali evaliwe kungelamisebenzi.

Ikhansili yakoBulawayo ithi izaqhubekela phambili ngohlelo lwama Pre-paid Water Meters, lona oluzaqalisa elokitshini leCowdray Park, lanxa izakhamizi zalelidolobho zatshengisela ngeviki edluleyo, zisola loluhlelo.

Lokhu kuphume emhlanganweni obuqoqwe yinhlanganiso elwela amalungelo abatsha eyeNational Youth Development Trust ngoLwesithathu leziphathamandla zekhansili yalelidolobho, lapho amalunga alinhlanganiso agcizelele ukuthi abantu abalamali yokubhadalela amanzi bengakawasebenzisi ngenxa yokuba lukhuni komnotho welizwe.

Ngeviki edluleyo, izakhamizi zakoBulawayo ziqoqe ukutshengisela ngokufola okulokuthula kulelidolobho zisola loluhlelo zisithi akufanelanga ukuthi uhulumende asungule loluhlelo ngesikhathi amafekithali evalwa kulelidolobho labantu bengelamisebenzi.

Isiphathamandla seNational Youth Development Trust uMnu. Alfred Ncube utshele uSithandekile Mhlanga weStudio 7 ukuthi kube lengxoxo-mpikisano ngodaba lwama pre-paid meters, inhlanganiso yakhe ichasisela iziphathamandla zekhansili ukuthi uhlelo lolu luzabangela ukuthi impilo yabantu ibe lukhuni ngamandla, ngesikhathi inengi lamafekithali evaliwe kungelamisebenzi.

Ingxoxo LoMnu. Alfred Ncube
please wait

No media source currently available

0:00 0:02:31 0:00
Lapho esitholakala khona

XS
SM
MD
LG