amalinks wokungena

Breaking News

Umhlangano weSADC Uqhutshwa Kulokuxokozela Esigabeni Sezansi yeAfrica


Umongameli weZambia, uMnu. Edgar Lungu emi loMongameli Robert Mugabe

Umhlangano we SADC owenziwa kanye ngomnyaka wenziwa ngesikhathi kuxokozela kwezombusazwe esigabeni sezansi yezwekazi leAfrica.

Kwele South Africa uMongameli Jacob Zuma uphunyuke edale lephalamende lapho amabandla aphikisayo abefuna ukumsusa esikhundleni ngokuvota.

Kuthi eZambia umkhokheli webandla eliphikisayo, uMnu. Hakainde Hichilema, ubevalelwe entilongweni esetheswa icala lokufuna ukugenqula uhulumende.

Kwele Zimbabwe umumo wezombusazwe awumanga kahle kulandela ukudonselana amandla kwamalunga ebandla elibusayo ele Zanu PF.

Inhlanganiso ezizimeleyo ezivela emazweni esigabeni seSouthern African Development Community (SADC) zihlangene ngoLwesithathu eSouth Africa phambilini komhlangano wenkokheli yamazwe la ozaqutshwa kuyonale iviki.

Lumhlangano ukhangelele njalo ukuguqulwa kwenkokheli. Obengumgcinisihlalo, iNkosi uMswati, uzaqhubela intambo uMongameli Jacob Zuma.

Umsakazo weStudio 7 uxoxe loMnu. Anglistone Sibanda, ilunga lomanyano wenhlanganiso ezizimeleyo owe NANGO osemhlanganweni lo.

please wait

No media source currently available

0:00 0:01:57 0:00

Facebook Forum

XS
SM
MD
LG