amalinks wokungena

Breaking News

Umhlangano Wokuhuga Abamabhizimusi eZimbabwe Ugqitshwa eJohannesburg


Umhlangano walonyaka kahulumende weZimbabwe wokunxusa abamabhizimusi ukuzosungula inhlelo zabo elizweni obuqhutshelwa eJohannesburg ugqitshwe ngolweSine. Isiphathamandla sogatsha lwezenotho lezamabhizimusi uMnumnzana Desire Sibanda, uthi lumhlangano uphumelele okwamagama njalo bakhona asebeqale inkulumo zokusungula amabhizimusi eZimbabwe.

Lobakunjalo, abanye abafuna ukusungula amabhizimusi eZimbabwe bathi impumela yokhetho oluzayo yiyo ezacacisa ukuthi bayawasungula na amabhizimusi eZimbabwe kumbe hatshi. Usuphelile umhlangano weZimbabwe wezamabhizimusi obuse Johannesburg. Ugatsha lwezomnotho lezamabhizimusi, okuyilo oluqoqe lumhlangano luthi konke kuhambe kahle.

Ngelanga lokucina lalo umhlangano amanxusa abekhuluma ngesimo sezamabhizimusi eZimbabwe, ubuhle bokusungula amabhizimusi eZimbabwe, inhlelo zemali kanye lokwakha ubudlelwano lamankampani alelo lizwe.
Amanye amankampani amakhulu abekhona kulo umhlangano agoqela iQatar Airways eyezendizamtshina, iGroup 5 eyezokwakha, iGold One emba igolide kanye lamanye amanengi.

Bonke bebekhanya befuna ulwazi lwezinto ezifunakalayo ukuze baqale inhlelo zamabhizimusi eZimbabwe. Umbuzo wokuthi uhulumende ozabusa ngemva kokhetho oluzayo uzaqhuba njani ezomnotho welizwe yiwo obukhanya uphuma kubosomabhizimusi abanengi.

Izizalwane zeZimbabwe ezisebenza kwele South Africa lazo zitshengise ukukhathazeka ngokungaqakathekiswa enhlelweni zokuvuselela ezamabhizimusi eZimbabwe.

Iziphathamandla zikahulumende wezimbabwe zithi iZimbabwe isikulungele ukusungulwa kwamabhizimusi njalo zizenza konke izikwenelisayo ukuthi lokhu kwenzeke.

please wait

No media source currently available

0:00 0:03:37 0:00
Lapho esitholakala khona
XS
SM
MD
LG