amalinks wokungena

Breaking News

KwezeMelika: UMichael Cohen Umiswa Phambi kweCongress Ngodaba lukaTrump


Michael Cohen
Michael Cohen

Ukhangelelwe ukulandisa ngokuthunywa kwakhe ngumongameli Trump ukuthi afumbathise abesifazana abikwa wayesiya labo emacansini; uNkosazana Storym Daniels, i porn star, kanye lo Karen McDougal, i Playboy model.

Owayeligqwetha likamongameli Donald Trump, uMnu. Michael Cohen, ukhangelelwe ukumiswa phambi kwedale le congress ngoLwesithathu ukuze akhulume konke okuphathelane lebhizimusi ka Trump kanye lowayekwenza kusalungiselelwa ukhetho luka2016 olokudinga umongameli khonapha eMelika langemva kwalo.

UMnu. Cohen ngowakuqala olesikhundla esiphezulu eMelika ukuthi afakaze phambi kwalelidale selokhu kwaba lesehlakalo seWatergate Scandal ngomnyaka ka 1970 esasithinta umongameli welizwe ngalesosikhathi.

Ukhangelelwe ukukhuluma ngokuthunywa kwakhe ngumongameli Trump ukuthi abhadale abesifazana abikwa wayesiya labo emacansini ukwenzela ukuthi bengakuvezi lokhu. UMnu. Cohen wenza njalo kuNkosazana Storym Daniels owazakala ngokuphatheka emifanekisweni esiya emacansini labanye, i porn star, kanye lo Karen McDougal obukisa umzimba wakhe engagqokanga okupheleleyo; i Playboy model.

UMnu. Cohen wavuma ukuthi ulecala lokuqamba amanga phambi kwedale lecongress lokuthi ngempela wababhadala abesifazana laba, kodwa umongameli Trump uyakuphika lokhu. UMnu. Cohen ukhangelelwe ukumiswa phambi kwamakhomithi amathathu kuliviki njalo amabili ayabe evalelwe umphakathi.

UMnu. Cohen, oleminyaka engamatshumi amahlanu lambili-52 wayeligqwetha likaMnu. Trump okweminyaka elitshumi kwaze kwayafika ukhetho luka 2016, njalo wayemncedisa ukubhula umlilo esesengusomabhizimusi oyisinothi engakabi ngumongameli.

XS
SM
MD
LG