amalinks wokungena

Breaking News

UMnu. Amos Mizi Ufunyanwa Efile Emotheni Yakhe


Amos Midzi

Owake waba ngumgcinisihlalo wesigaba seHarare ebandleni leZanu PF, umnumzana Amos Midzi kasekho. UMidzi utholakale efile ngoLwesibili ekuseni emotheni yakhe, kudaba olucatshangelwa ukuba angaba ethethe impilo yakhe.

UMidzi ufunyenwe efile emoteni yakhe, ebisepulazini lakhe leMarirangwe bucwadlana nje, ledolobho leHarare.

Imota atholakale efele kiyo ifunyenwe ikhiyiwe, amapholisa aphetha ebulala isivalo ukuze bafinyelele isidumbu sakhe, njengoba abengabonakali amakhiye ukuze bayivule.

Abikwa ecine etholakele amakhiye lawo, engaphansi kwe mat phakathi emoteni njalo kubikwa bekulamaphilisi aluhlaza lemali phose amakhulu amathathu amadola –$282.

Ngesikhathi isidumbu sikhitshwa emoteni lapho afele khona, unkosikazi wakhe kanye lomfowabo kaMidzi babikwa bebekhona.

Ubhubhe eseleminyaka engamatshumi ayisithupha lambili-62, uMidzi njalo ubeke waba ngummeli we Epworth edale lephalamende.

Ngomnyaka ka 1993 uke waba ngummeli weZimbabwe kweleMelika. Ungomunye walabo abamiswe ukuphatha isikhundla ebandleni, ngemva kokwetheswa umlandu wokufuna ukugenqula umbuso kamongameli Robert Mugabe esebenzelana lowake waba ngumsekeli kamongameli unkosikazi Joice Mujuru.

XS
SM
MD
LG