amalinks wokungena

Breaking News

Umkhokheli weMDC-T Uhlangana Lomkhokheli Wohlangothi Lwabatsha


Umkhokheli welinye lamacele eMDC umnumzana Morgan Tsvangirai ubikwa ebe lomhlangano ngoLwesihlanu lomkhokheli wohlangothi lwabatsha, umnumzana Promise Mkhwananzi otshaywe ngamalunga ebandla lakhe ngempelasonto edluleyo.

UMkhwananzi utshaywe ndawonye lomnumzana Elton Mangoma, umsekeli kamgciningcebo kuMDC-T, ngenxa yokuphumela egcekeni ukuthi umnumzana Tsvangirai makasuke esihlalweni ngoba esengqotshwe kanengi nengi kukhetho nguMongameli Robert Mugabe.

NgoLwesine uTsvangirai ubikwa ehlangene lonobhala jikelele webandla lakhe, umnumzana Tendai Biti obikwa esinde ngokubambelela ibhatshi likaTsvangirai lapho kutshaywa uMangoma loMkhwananzi.

UChris Gande weStudio Seven uxoxe lomnumzana Mkhwananzi ukuze sizwe ukuthi kukhulunyweni emhlanganweni lo.

UMkhwananzi uthi uTsvangirai ukubeke mgceke ukuthi akathakazaleli udlakela njalo akakhuthazi ukuthi ibe yiyo indlela yokulungisisa ukungazwisisan ngokutshiyana kwembono.

Uqhubeke ethi lokhu kuzanceda ukukhuza abasakhulayo ababona angani ukusebenzisa udlakela yikho okungaqeda ukufuthelana okungaba kusebandleni leli.

please wait

No media source currently available

0:00 0:01:27 0:00
Lapho esitholakala khona
XS
SM
MD
LG