amalinks wokungena

Umkhosi Wenhlonipho Yezicoco oweZimbabwe Achievers Awards Gala USA

  • Praxedes Jeremiah

Umkhosi owe Zimbabwe Achievers Awards Gala 2017

Akubizwa ozwayo emkhosini wokupha imivuzo lokubonga izizalwane zeZimbabwe ezisebenza gadalala ukunceda endaweni abakuzo empilweni kanye lokuba lenhlelo zokunceda njalo abase khaya zona sezihlala eMelika, oweZimbabwe Achievers Awards Gala walonyaka owenzelwa edolobheni leDallas eTexas ngoMgqibelo mhlaka 11 Lwezi.

Kulezigaba ezinengi zabayabe bephiwa le imivuzo lenhlonipho ezigoqela umninibhizimusi olohlonzi, uBusiness Person of the Year, Community Champion of the Year lezinye. Kumaviki amathathu edluleyo kuvulwe amasagno okuthi abantu bavotele ababafunayo ukuthi baphiwe imivuzo yezicoco zenhlonipho. U Praxedes Jeremiah oweStudio 7 ube lethuba elihle lokuxoxa loMnu. Vezintokozo Nkomo umgcinisihlalo wekhomisi yeZAA eyiyo eqoqa umkhosi walonyaka eseDallas echasisa ngentokozo abayiqoqele uzulu.

Umnumzana Vezintokozo Nkomo umgcinisihlalo weZAA USA
Umnumzana Vezintokozo Nkomo umgcinisihlalo weZAA USA

UNkomo uqhubeke ethi lolu hlelo lokupha imivuzo lenhlonipho kuzizalwane zeZimbabwe esezihlala eMelika waba ngumcabango abaweboleka eNgilandi ethi lapho bebone ukuba kulabantu abasebenza gadalala ukuthuthukisa lokunceda umpakathi endaweni abahlala kizo lasekhaya. Ngakhoke bakubona kufanele ukuthi bababonge kanye lokubapha inhlonipho yezicoco njengendlela yokuveza ukuthi imisebenzi yabo iyabonakala empakathini, ezigabeni ezitshiyeneyo zempilo.

Ebuzwa uNkomo ukuthi limivuzo lezicoco iza lemali na? yena uthe “Inhlanganiso kayila mali ngabe banikwa lokungamasheleni phezulu kodwa okujabulisayo yikuthi lapho abaphiwa lezo zicoco bazemukela ngenjabulo enkulu okokuthi kabaqakathekisi mali. Inengi labo lithi khona nje ukukhunjulwa ngabanye abantu lokubabonga kuyenela ngoba kwandulela lamathuba okusebenzelana labanye langokuvuleka amehlo ngokwenziwa ngabeZimbabwe ezigabeni ezehlukeneyo zempilo”

Facebook Forum

XS
SM
MD
LG