amalinks wokungena

Abathengisa Ezitaladini Bathi Kabasoze Bayekele Ukuthengisa Inyama

  • Mavis Gama

Lorraine Sibanda

Abenhlanganiso emela abaphila ngokuthengisa eye Zimbabwe Chamber of Informal Economy Associations, bathi kabayindawo njalo kabasoze balandele isiqondiso sikahulumende sokuvimba ukuthengiswa kwemibhida, inyama lezithelo ezitaladeni, ikakhulu eHarare.

Lokhu kuza ngemva kokwethulwa kwesiqondiso sikahulumende sokuvimba umsebenzi wabaphila ngokuthengisa ezitaladeni.

Uhulumende uthi abantu laba bamemethekisa umkhuhlane wesihudo obikwa usubulele umuntu oyedwa eHarare. Sokulekhomithi ekhangelane lodaba lolu eyeziphathamandla zikahulumende.

Abaphila ngokuthengisa bathi uhulumende kumele aqale alungisise imbangela yemikhuhlane yesihudo se cholera le typhoid. Bathi imikhuhlane le ibangelwa yikuthi abantu kabatholi amanzi ahlanzekileyo.

Bathi akwenzakali ukuthi batshiye umsebenzi wezitaladini ngenxa yokuthi akula eyinye indlela yokuziphilisa.

Umkhokheli we ZCIEA, uNkosazana Lorraine Sibanda, uthi kabayindawo.

Uthi uhulumende kumele akaqale alungisise udaba lokungathembeki oselubhahile kunkokheli kahulumende lemali etshaphazwa mahlayana okumele ifakwe kuhlelo zokulungisela uzulu amanzi ahlanzekileyo njalo lezempilakahle.

Umkhuhlane we typhoid kukhanya engani ulakhoukumemetheka emadolobheni amanengi ngenxa yokuswelakala kwamanzi lokuna kwezulu.

XS
SM
MD
LG