amalinks wokungena

Breaking News

Umlamlankunzi Uthi Kungeke Kwaba Lokhetho eZimbabwe Kungakalungiswa Konke Okuhluphayo


Uzulu kahambelani lesinqumo sedale le ZANU PF politburo esokuthi kumele kwenziwe ukhetho eZimbabwe lonyaka kulokuthi lwenziwe ngomyaka ozayo kumbe ngomnyaka ka 2013 okukhangelelwe ngumlamlankunzi kanye le Southern African Development Community (SADC), kubika iphephandaba le Newsday.

Unkosikazi Lindiwe Zulu oyisikhulumeli sequla likamlamlankunzi we Zimbabwe uMongameli Jacob Zuma wakwele South Africa uthi akusoze kwaba lokhetho eZimbabwe kungakalandelwa indlela emqoka ebekwe ngamabandla wonke abusayo eZimbabwe lenhlanganiso yamazwe ezansi yezwekazi le Africa iSADC.

Unkosikazi Zulu uthi kumele amabandla akuhulumende womanyano alungise konke okukusivumelwano se Global Political Agreement kungakenziwa ukhetho.

Uphinde wathi lokho okufunwa libandla le ZANU-PF kungeke kwamukelwa yi SADC elakho ukwenza umhlangano wayo olandelayo ngenyanga ezayo kwele Angola lapho okuzakhengelwa njalo udaba lwe Zimbabwe.

Isikhulumeli sebandla le ZANU PFuMnu. Rugare Gumbo utshele iStudio 7 ukuthi umlamlankunzi kungxabangxoza ye Zimbabwe akumelanga agile imkhuba eZimbabwe.

Ingcwethi kwezombusazwe uMnu. Clement Moyo uthi iiSADC ingeke yavuma osekufunwa libandla le ZANU PF.

XS
SM
MD
LG