amalinks wokungena

Breaking News

Mliswa: Angithathanga Imali Kwabamhlophe Banginika Njengabangane


Themba Mliswa

Ibandla leZanu PF lethesa umgcinisihlalo wesigaba seMashonaland West, uMnu. Themba Mliswa icala lokubamba ngamandla abamhlophe besigaba sakhe ukuthi bamuphe imali yokusebenzisa embuthanweni athi ngeyesizwe.

Lokhu kubangele ukuthi enye inkokheli yebandla lakhe yenze umhlangano ngoLwesine lapho okuvunyelwane ukuthi asuswe esikhundleni.

UMliswa ubikwa elandule limbiko esithi abelungu abasesigabeni sakhe ngabangane bakhe yikho uyabe ecela imali okusemthethweni.

Iphephandaba le The Herald lethule incwadi yebulenjini, I email, ebikwa yalotshwa nguMliswa ecela imali efika kunkulungwane ezedlula ezine, $4,300 komunye umlungu.

Imizamo yokukhuluma lomlungu lo, othiwa nguMnu. Frank yehlule. Omunye oxotshwe ngoLwesine ngunobhala wesigaba uMnu. Kindness Paradza.

IStudio Seven ixoxe lesikhulumeli sebandla leZanu PF, uMnu. Rugare Gumbo ukuze sizwe ukuthi ibandla lithini ngokuxotshwa kukaMliswa.

please wait

No media source currently available

0:00 0:00:43 0:00
Lapho esitholakala khona

XS
SM
MD
LG