amalinks wokungena

Breaking News

Umlobi Obelwela Amalungelo Oluntu UMaya Angelou Kasekho


Maya Angelou

Umuyi waloba ingwalo ezilandisa ngempilo yakhe ekhula emaphandleni kanye lezinye, ezigoqela u I Know Why the Caged Bird Sings, A Song Flung Up to Heaven, kanye lenkondlo ethi On the Pulse of Morning, ayibala emkhosini wokugcotshwa kukamongameli Bill Clinton wakhonapha eMelika ngomnyaka ka 1993.

Umlobi olodumo eMelika njalo owayelwela amalungelo oluntu uNkosazana Maya Angelou kasekho.

UAngelou, obefundisa ekolitshini le Wake Forest University, ubhubhe ngoLwesithathu ekuseni eseleminyaka engamatshumi ayisitshiyangalombili lasithupha eMelika.

Umuyi waloba ingwalo ezilandisa ngempilo yakhe ekhula emaphandleni kanye lezinye, ezigoqela u I Know Why the Caged Bird Sings, A Song Flung Up to Heaven, kanye lenkondlo ethi On the Pulse of Morning, ayibala emkhosini wokugcotshwa kukamongameli Bill Clinton wakhonapha eMelika ngomnyaka ka 1993.

Kungwalo zakhe, uloba ngokuthi wake wasebenza eEgypt leGhana njalo wake wathandana lesizalwane seSouth Africa umuyi uMnu. Vusumzi Make owayeyisiphathamandla seAfrican National Congress eyisiphepheli khonapha eMelika ngomnyaka ka 1961.

UAngelou waloba njalo ukuthi wake wasebenza lobomuyi belwela ukuqeda uncindizelo lwabansundu eMelika uDr. Martin Luther King Junior, kanye loMalcolm X, ngesikhathi seCivil Rights Movement. Ulendodana eyodwa uMnu. Guy Johnson, laye ongumlobi.

Ukuze sixoxe lommeli weBulawayo East edale lephalamende uNkosazana Thabitha Khumalo, olwela amalungelo abesifazana njalo engumgcinisihlalo wekhomithi ebona ngomkhuhlane wengculaza kudale le SADC.

UMaKhumalo utshele uSithandekile Mhlanga weStudio 7 ukuthi imbali kaNkosazana Angelou iyatshengisa sobala ukuthi abesifazana bengazithuthukisa lanxa bebandlululwa kumbe bebhekane lodlakela, njengalokhu okwenziwa ngumuyi.
please wait

No media source currently available

0:00 0:02:25 0:00
Lapho esitholakala khona
XS
SM
MD
LG