amalinks wokungena

Breaking News

UMnangagwa Ugcotshwa Ukuba Ngumongameli uChamisa Engekho eNational Sports Stadium


UMnangagwa ugcotshwa ukuba ngumongameli nguChief Justice Luke Malaba.

UMongameli Emmerson Mangagwa ugcotshwe ngeSonto ukuze aqalise umsebenzi kulandela isinqumo somthethwandaba esokuthi nguye owanqobayo kukhetho lwangenyanga eyedluleyo.

UMnangagwa uthembise ukusebenza gadalala njalo ngobuqotho njengesithunywa sabantu beZimbabwe ukuze athuthukise impilo zabo ngokuvuselela umnotho lokusungula imisebenzi. Wengeze wathi sokuyisikhathi sokuthi abantu beZimbabwe bebambane.

UMnangagwa uthe ubona elakusasa leZimbabwe elikhazimulayo. Uthe uhulumende wakhe ulohlelo lokuvuselela umnotho welizwe kanye lokulwisana lobuhuquluzi azalulandela kusiyafika umnyaka ka2030.

Onqotshwe nguMnangagwa, uMnu Nelson Chamisa, yena okhokhela umanyano weMDC Alliance ubengekho kulumkhosi.

Kodwa umkhokheli weMDC-T uNkosazana Thokozani Khupe lomsekeli wakhe uMnu Obert Gutu bebekhona. UMnu Robert Mugabe yena uthumele indodakazi yakhe uBona lomkakhe uSimba Chikore ukuthi bayemela.

UMugabe wenze lokhu lanxa ephumele egcekeni ngaphambilini kokhetho ukuthi wayengasoze avotele uMnangagwa lebandla lekhe leZanu PF.

Amalunga ebandla leZanu PF aphatheke emkhosini lo aveze ukujabula ngokunqoba kukaMnangagwa.

Usibalukhulu wedolobho lakoBulawayo uNkosikazi Angeline Masuku uthe sekuyisikhathi sokusebenzelana ukuthuthukisa ilizwe kungakhathalekile ukuba umuntu ungowaliphi ibandla.

Abakhokheli bamazwe atshiyeneyo ekade bekhona bagoqela uMongameli welesouth Africa uMnu Cyril Ramaphosa, uMnu Joseph Kabila oweDRC loMnu Edgar Lungu wakweleZambia.

Udaba Esilethulelwe NguMavis Gama
please wait

No media source currently available

0:00 0:03:16 0:00

Facebook Forum

XS
SM
MD
LG