amalinks wokungena

Breaking News

UMnangagwa Ugcwalisa Izikhala Ezitshiwe Ngabaphathintambo Ababulawe yiCovid-19


FILE - Zimbabwean President Emmerson Mnangagwa addresses mourners at the burial of Zimbabwean minister Perence Shiri, who died of Covid-19, during his burial in Harare, July, 31, 2020.

UMongameli Emmerson Mnangagwa segcwalise izikhala ezitshiywe ngabaphathintambo bakhe abathathu ababulawe ngumkhuhlane weCovid-19 ngenyanga edluleyo.

Obengumeli weZimbabwe kumanyano weUnited Nations uMnu Frederick Shava usengumphathintambo obona ngobudlelwano bakuleli lamanye amazwe, okuyisikhundla esitshiywe nguMnu Sibusiso Moyo.

UShava wadliwa licala kudaba lwenkohlakalo yokuthengiswa kwezimota yiziphathamandla zikahulumende, iWillogate ngo1988 wagwetshelwa ukuhlala entolongweni phose okomnyaka kodwa kazange apike ngoba uMongameli Robert Mugabe waphanga wamxolela.

Ongene kusikhundla sogatsha lwezokuhambisa, olwe-transport, esitshiywe nguMnu Joel Biggie Matiza nguMnu Felix Tapiwa Mhona, ongumeli weChikomba Central edale lephalamende.

Omela iChimanimani West kudale linye uNkosikazi Nokuthula Matsikenyere usengumphathintambo obona ngokwenzakala esigabeni seManicaland. Isikhundla lesi sitshiywe nguNkosikazi Ellen Gwaradzimba.

Owake waba yintathelizindaba njalo engumeli weMakonde ephalamende uMnu Kindness Paradza yena ukhethwe ukuba ngumsekeli kamphathintambo obona ngokwethulwa kwemibiko, okuyisikhundla esatshiywa nguMnu Energy Mutodi eze exotshwe nguMnangagwa.

Umeli weBeitbridge ephalamende uNkosikazi Ruth Mavhunga-Maboyi yena ukhethwe ukuba ngumsekeli kamphathintambo wendaba zasekhaya.

Obephethe lesisikhundla uMnu Mike Madiro, omela iMutare North edale lephalamende ukhethwe ukuba ngumsekeli kamphathintambo wogatsha lwe-transport.

Ukukhethwa kwabantu laba kwamukelwe ngemimbono etshiyeneyo abanye bekuncoma kodwa abanye besithi akulanguquko abazayiletha.

Ocubungula ezombusazwe, uMnu Mqondobanzi Magonya utshele iStudio 7 ukuthi uShava uyasolisa ngoba ungomunye wabantu abadlala indimathize kudaba lweGukurahundi.

please wait

No media source currently available

0:00 0:02:32 0:00

Omunye ohlaziya ezombusazwe njalo eyisiphathamandla senhlanganiso yeCenter for Public Policy uMnu Mfundo Mlilo uthe lanxa uShava elungele ukuba kulesisikhundla, kuzakubanzima ukuthi alungisise ubudlelano phakathi kweZimbabwe lamazwe angentshonalanga.

please wait

No media source currently available

0:00 0:02:51 0:00

Facebook Forum

XS
SM
MD
LG