amalinks wokungena

Breaking News

UMnangagwa Uhlangana loMongameli waseAngola


UMongameli Emmerson Mnangagwa uhlangane losowabo waseAngola uMnu Joao Lourenco eLuanda ngoLwesihlanu bekhulumisana ngesimo saseZimbabwe.

UMnangagwa ubelande ukuyazethula kuLourenco njengoMongameli waseZimbabwe omutsha.

Amaphephandaba akweleAngola abike ukuba ababili laba bakhulumisane ngomumo wezombusazwe kweleZimbabwe uMnangagwa wachasisela njalo uLourenco ngamalungiselelo okhwetho.

UMnangagwa ubehamba lequla eligoqela umphathintambo obona ngobudlelwano beZimbabwe lamanye amazwe uMnu Sibusiso Moyo.

Ihofisi kaMnangagwa ithi uzakwethekelela njalo abakhokheli bamazwe asezansi kwezwekazi leAfrica agoqela eleBotswana lamanye kunsukwana ezilandelayo.

Umhleli wephephandaba leStandard uMnu Kholwani Nyathi uthi kaboni uMnangagwa ephenduka lolutho olubambekayo olufana lemali yokuvuselela umnotho ngoba injongo yakhe okwamanje ingeyokuzethula kuphela kunkokheli yamazwe atshiyeneyo.

please wait

No media source currently available

0:00 0:02:02 0:00

Facebook Forum

XS
SM
MD
LG