amalinks wokungena

Breaking News

UMnangagwa Ukhangelelwe Ukuhlangana Lezizalwane zeZimbabwe eNew York


Emmerson Mnangagwa

Kodwa amalunga ebandla leMDC abikwa esithi azatshengisela esola uMnu. Mnangagwa, ngesizatho sokuthi bakholwa ukuthi umkhokheli wabo uMnu. Nelson Chamisa nguye owanqobayo kukhetho lokudinga umongameli.

UMongameli Emmerson Mnangagwa okhonapha eMelika emhlanganweni weUnited Nations General Assembly (UNGA), eNew York, ukhangelelwe ukuhlangana lezizalwane zeZimbabwe ezihlala kuleli ngeSonto ukuze ezwe imbono yazo ngendlela okungathuthukiswa ngayo umnotho weZimbabwe.

UMnangagwa ukhangelelwe ukuphatheka kweminye imihlangano yeUNGA, kanye lokwethula umbiko wakhe welizwe leZimbabwe ngeviki ezayo. Ukhangelelwe njalo ukuxoxisana lenkokheli kanye labosomabhizimusi bakwamanye amazwe, ngendlela yokubahuga ukuthi besebenzelane leleZimbabwe ekuthuthukiseni umnotho welizwe.

UMnangagwa ukhatshwe yiziphathamandla zikahulumende ezigoqela umphathintambo wezemali, uMnu. Mthuli Ncube, usibalukhulu webhanga le Reserve, uMnu. John Mangudya, labanye.

Osaphende isikhundla sakhe eZimbabwe ngomunye wabasekeli bakamongameli uMnu. Kembo Mohadi.

Ukuzwa okunengi ngomhlangano wezizalwane zeZimbabwe lomongameli Mnangagwa sixoxe loMnu. Den Moyo, isiphathamandla seMDC-T khonapha eMelika.

UMnu. Moyo uthi umbuthano lo ungaphumelela, uzakuba ngowakuqala lomongameli weZimbabwe eMelika, njengoba owayephethe lesi isikhundla uMnu. Robert Mugabe wayengafuni ukuhlangana labo.

Kodwa amalunga ebandla leMDC abikwa esithi azatshengisela esola uMnu. Mnangagwa, ngesizatho sokuthi bakholwa ukuthi umkhokheli wabo uMnu. Nelson Chamisa nguye owanqobayo kukhetho lokudinga umongameli.

please wait
Embed

No media source currently available

0:00 0:03:14 0:00

Facebook Forum

XS
SM
MD
LG