amalinks wokungena

Breaking News

UMnangagwa Ukhetha uChiwengwa loMohadi Ukuthi Babe Ngabasekeli Bakhe


Emmerson Mnangagwa loMnu. Kembo Mohadi loMnu. Constantino Chiwengwa
Emmerson Mnangagwa loMnu. Kembo Mohadi loMnu. Constantino Chiwengwa

Umongameli Emmerson Mnangagwa usekhethe obengumkhokheli webutho, uGeneral Constantino Chiwengwa njengomunye wabasekeli bakhe kunye loMnu. Kembo Mohadi.

Ababili laba bakhethwe ukuba ngabasekeli bakaMnangagwa kubandla leZanu PF, okutsho ukuthi bazakuba ngabasekeli bakamongameli welizwe.

UChiwenga, onguye owaphathisa ukuxotsha owayengumongameli, uMnu. Robert Mugabe, utshiye isikhundla sokukhokhela ibutho ngoMvulo.

Ngowesithathu owebutho ukukhethwa kuhulumende kaMongameli Mnangagwa kulandela uMajor General Sibusiso Moyo, osengumphathintambo wezobudlelawano lamanye amazwe kunye lowayekhokhela ibutho lemoyeni, uAir Marshal Perence Shiri, osengumphathintambo wezokulima.

UMohadi nguye ozamela icele lalabo ababekubandla le PF Zapu njengalokhu okutshiwo yisivumelwano somanyano weZanu le PF Zapu.

UMohadi laye walwa impi yenkululeko ekuviyo le Zipra. Lokhu kudanise abanye kade bekhangelele ukuthi kuzakhethwa umuntu wesifazane ukuba ngomunye wabasekeli bakamongameli.

XS
SM
MD
LG