Umongameli Emmerson Mnangagwa ngoLwesithathu ubesemkhosini wokuphawula okusemthethweni izitimela lamatolokisi ko Bulawayo.
UMngangwa uthi injanji lemigwaqo ehlelwe kuhle yiyo insika yenthuthuko. Uthi njalo ukuba khona kwezitimela kuzakwenza abamabhizimusi babe lendlela engabizi intengo ephezulu ekuthwalweni kwempahla yabo.
Izitimela lezi ezibolekwe kunkampani ye Transnet eyakwele South Africa zilitshumi lantathu, lamatalokisi okuthwala impahla angamakhulu amabili kunye lamatolokisi athwala abantu angamatshumi amathathu lane.
UMnangagwa uthi njalo uhulumende wakhe uzimisele ukuguqula indlela zokuhambisa ezifana lemigwaqo lezitimela.
Ke sizwe amazwi akhe:
Izitimela lama tolokisi awethulelwe inkampani ye National Railways of Zimbabwe namhla yinkampani ye South Africa iTransNet kwenziwe ngokuphendlwa kwemali yinkampani yezizalwane zeZimbabwe ezihlala phandle kwelizwe, eye Diaspora Investment Development Group.
Isizalwane seZimbabwe esihlala kwele Bhilitane, uMnu. Lloyd Msipa othi lokhu kutshengisa ukuthi abantu bayamamukela uhulumende omutsha.