WASHINGTON —
EleZimbabwe leleNamibia ngoLwesine lisayinelane izivumelwano zokuthuthukisa umnotho wamazwe womabili kwezemfundo, ezokwethulwa kwembiko, ezamabhizimusi, kanye lezokuthengiselana.
Iqula leZimbabwe likhokhelwa ngumongameli Emmerson Mnangagwa njalo izivumelwano lezi zisayinwe phambi kwakhe lomkhokheli walelolizwe uMnu. Hage Geingob.
Abaphathintambo ababonakala besayina lezi izivumelwano kukhasi likahulumende elezokwethulwa kwembiko ebulenjini nguMnu. Sibusiso Moyo, loNkosikazi Sithembiso Nyoni, lo Monica Mutsvangwa.
Ukuhlaziya loludaba, uSithandekile Mhlanga weStudio 7 uqale ngokubuza ingcwethi ecubungula ezomnotho welizwe uMnu. George Mkhwananzi ukuthi kambe izivumelwano lezi zizaletha inguquko na kumnotho welizwe?