amalinks wokungena

Breaking News

UMnagnagwa Uthembisa Ukubhadala Isikwelede se R2 million SikaTsvangirai Sesibhedlela, Kodwa Uzulu Uthi Kununka Santungwana


Ibhokisi lesidumbu sikamuyi, uMnu. Morgan Tsvangirai

Abalandeli be MDC-T kanye lenkokheli yamabandla alwela ilungelo loluntu, bathi kabasoke babanjwa amehlo ngumongameli Emmerson Mnangagwa lebandla le Zanu P, ukubonakala engani balozwelo ngokusiza kundleko zesibhedlela ezedlulea amarand ayizigidi ezimbili, iR2 million, kanye lomngcwabo kamuyi uMnu. Morgan Tsvangirayi.

Limibono iphuma ngemva kokuba uhulumende ethethe isidumbu sikamuyi, sayagcinwa enkambeni ye One Commmando Barracks, okungumkhuba owandise ukwenziwa lapho kubhubhe iqhawe lesizwe loba abakubutho abalezikhundla eziphezulu.

Echaza isizatho zokwenza kanje kumhuli yakoTsvangirayi, abangane lezihlobo abasesililweni sika Tsvangirayi e Highlands ngensonto, uMongameli Emmerson Mnangagwa uthi bakubone kufanele ukuthi uTsvangirayi anikezwe inhlonipho efaneleyo ngoba wayeyinhloko kahulumende ngesikhathi kkahulumende womanyano.

U Mnangagwa uthembise njalo imhuli yako Tsvangirayi ukuba uhulumende uzaphathisa kukho konke okudingakalayo okubalisa indleko yesibhedlela ngemva kokuba abemhuli bebike ukuba kulesikwelede sezigidi ezimbili sama Rands ( 2 Million ).

Kodwa abalandeli bebandla le MDC-T bathi abayisi ziwula njalo bayayibona imizamo kahulumende we Zanu PF, ukusebenzisa imfa kaTsvangirayi ukuzenza abalozwelo lobuntu kanti kukhona abakuchathameleyo, ikakhulu kathesi phambilini kokhetho.

Omunye walabo kungu Thabangani Hondoma wase Plumtree, obese Harare ukuzakhalela abako Tsvangirayi, osola ukwenza kukahulumende.

UHondoma ngomunye wabatshengise ukukhathazeka ngokwenza kukahulumende athi esengohlonipha uTsvangirayi ngoba engasekho.

U Solomon Ngwenya waseNkayi ngomunye wabekade besemzini ka Tsvangirayi e Highlands kusukela wabhubhayo ngoLwesithathu olwedluleyo.

Umqondisi womanyano wokuhluzisisa isisekelo sombuso, owe #This Constitution, unkosazana Abigail Mupambi, uthi abakukhangeleleyo njengehlanganiso ezilwela ilungelo loluntu yikubona uhulumende efeza izifiso zomufi zikaTsvangirayi, ayehlezi ezikhankasela sikhathi sonke, ehlukunyezwa nguhulumende munye, owake wambhaxabula waze wavukela esibhedlela.

Umsekeli womkhokheli wenhlanganiso yezifundi kumazwe akusigaba sangezansi kwezwekazi le Africa eye Southern Africa Students Union – SASU ( SASU Vice President ), uMnu. Allistair Pfunye, utshele lumsakazo ukuba yikhona bezobona ukuba kuzolandelwa na lokho okwakukhalelwa nguTsvangirayi.

Umzimba kaTsvangirayi uzobekwa ngoLwesibili ekhaya lake okuthiwa kuko Humanikwa, e Buhera.

please wait

No media source currently available

0:00 0:06:08 0:00

Facebook Forum

XS
SM
MD
LG