amalinks wokungena

Breaking News

UMnangagwa Uzakhetha Na Abangekho Kubandla leZanu PF kuCabinet?


UMnangagwa efungiswa ukuthatha intambo zombuso

Udaba lokhetho solusiya ludlula lanxa lokhu umanyano weMDC-T ulokhu ukhonona ngokukhethwa kwakhe.

Abanye bavotela uMnangagwa bekhangelele ukuthi angaba lomehluko kuloMugabe ngoba esithi amasango eZimbabwe avulekele wonke umuntu ofuna ukuzosungula ibhizimusi.

Ngokunjalo, inengi selikhangelele ukuthi uzakhetha idale labaphathintambo elinjani ngoba inengi alikhetho ethatha intambo zombuso belivele liphakathi kombuso kaMnu. Mugabe okweminyaka engamatshumi afika phose amane.

UMnangagwa uthi welule isandla sakhe kuChamisa abanye abathi kuthembisa ukuthi enganxusa abanye abakumanyano we MDC Alliance ukuthi basebenze laye.

Kodwa uChamisa yena uyala ukwamukela uMnangagwa esithi ngoba waqilibezela kukhetho. Ukuhlaziya loludaba sixoxe lengcwethi ecubungula ezombusazwe, uMnu. Richard Mahomva.

“Okuqakathekileyo nxa sihluza loludaba kufuze ukuthi sibone ukuthi icabinet ibunjwa ngamalunga angama MPs ayabe ekhethiwe. Yikho ke ukhetho lolu lubangele ukuthi kukhethwe ama MP amatsha,” kutsho uMahomva.

Uthi lokhu kutshengisa ukuthi kuzakhethwa abantu abatsha.

Okunye njalo athi kuzakwenza uMnangagwa akhethe abanye abantu ikakhulu abatsha yikuthi umthetho wezisebenzi zikahulumende, owe Public Service, uthi abantu abaleminyakaengaphezulu kwamatshumi ayisithupha lanhlanu kumele bayephumula.

UMahomva uthi lanxa abantu bekhangelele icabinet elabantu abavela kwamanaye amabandla lokhu kuzakubanzima ukuthi uMnangagwa akwenze.

“Kungenziwa kumbe kungenziwa kodwa mina ngiban kuyinto emqoka okunenza ukuthi ilizwe liqhubekele phambili ngoba uma sisenza kuyabe kusenza ukuthi sitshengisa ukuthi sinika abantu izikhundla ngoba bayenelisa ukwenza umsebenzi hatshi ukuthi bavela kweliphi ibandla,” kutsho uMahomva.

please wait

No media source currently available

0:00 0:01:49 0:00

Facebook Forum

XS
SM
MD
LG