WASHINGTON DC —
EleZimbabwe lizamanyana lamanye amazwe ezwekazi leAfrica namuhla ekunanzeni usuku lweAfrica Day.
Ilanga leli labekwa yinkokheli yeAfrica ngenhloso yokunanza ukusungulwa komanyano weOrganization of African Unity (OAU) ngo1963 osusaziwa ngokuthi yiAfrican Union.
Inhloso yalumanyano yayingeyokukhankasela inkululeko yamazwe wonke eAfrica.
Usuku lolu lunanzwa phansi kwendikimba ethi “Arts, Culture and Heritage: Levers for Building Africa.”
UMongameli Emmerson Mnangagwa ukhangelelwe ukwembula isithombe sikaMbuya Nehanda namuhla emcimbini oqondane lalolusuku.
Olwela amalungelo oluntu uMnu Mthulisi Hanana utshele iStudio 7 ukuthi lanxa usuku lolu uqakathekile, okudanisayo yikuthi ababusi beAfrica abanengi bangababusi ababi njalo abalenkohlakalo.
