amalinks wokungena

Breaking News

Imuli kaMandela Ifika eQunu Ukulungisela Umgcwabo


Nelson Mandela

Umsakazo we SABC uthi umfelwakazi kamandela u Graca Machel lowayengumka Mandela u Winnie Madikizela bakhangelelwe ukufika lesidumbu sikamuyi ngoMgqibelo eQunu, lapho okubikwa kuphithizela ngamasotsha ahlomileyo njalo kulungisiswa indawo lapho umuyi azangcwatshwa khona.

Imuli kamuyi owayengumongameli wakuqala wele South Africa uMnumzana Nelson Rolihlahla Mandela ibikwa isiqalisile ukufika emzini ka Mandela eQunu ukulungiselela umngcwabo wakhe ngeNsonto kuyonale impelaviki.

Phakathi kwalabo abafike ngoLwesine kulezibulo likaMandela uMakaziwe kanye labazukulu bakamuyi.

UMnumzana Julius Malema, owayekhokhela ugatsha lwabatsha ku ANC ngomunye wababuke isidumbu sikamuyi ngoLwesine eUnion Buildings ePretoria. Ngemva kwalokhu, uMalema uncome uMandela kanye lomongameli Mugabe lomunye wakhe we Cuba u Raul Castro kodwa wachothoza inhloko kahulumende we Bhilithani uMnumzana David Cameroon.

UMalema ubetshotshozelwa ngamalunga ebandla lakhe elitsha ele Economic Freedom Party labanye abamsekelayo.

Umsakazo we SABC uthi umfelwakazi kaMandela uGraca Machel lowayengumkakhe engakatshadi loGraca, uWinnie Madikizela bakhangelelwe ukufika lesidumbu sikamuyi ngoMgqibelo eQunu, lapho okubikwa kuphithizela ngamasotsha ahlomileyo njalo kulungisiswa indawo lapho umuyi azabekwa khona.

Kusenjalo, isiphathamandla sebandla le ZAPU uMnumzana Strike Mnkandla uthi umkhokheli walelibandla uMnumzana Dumiso Dabengwa usefikile kwele South Africa ukuyavalelisa uMandela.

please wait

No media source currently available

0:00 0:02:03 0:00
Lapho esitholakala khona

Uhulumende we South Africa uthi usadingisisa ngotolikela abangezwa kuhle endlebeni uMnu. Thamsanqa Jantjie obikwa engaqhubanga kuhle umsebenzi emkhosini wokunanza impilo kamuyi ngolwesibili.

Ekhuluma kweminye imisakazo, uJantjie uxolisile wathi uyakwazi ukutolika kodwa uyake akhathazwe ngumkhuhlane wengqondo.
XS
SM
MD
LG