amalinks wokungena

Breaking News

Umnotho Uthuthuka Okubukekayo eZimbabwe Nyakenye Kodwa Kunzima Lonyaka - IMF


Iqula lenhlanganiso ephathisa amazwe womhlaba ngemali eye International Monetary Fund (IMF) elisanda kuhlolisisa umnotho we Zimbabwe selethule umbiko othi umnotho welizwe ukhuphuke okumangalisayo ngomnyaka odluleyo kodwa lokhu akuncedi uzulu njalo lokhu kungahle kucitshwe lonyaka luhlelo lwe Indigenization.

Inhlanganiso le ithi kukhanya indleko enkulu kahulumende kuBudget ngeyokubhadala izisebenzi labantu abangaziwayo okuthiwa ngama ghost workers.

Lokhu kubikwa sokusenza ukuthi kungabi lemali yokuqhuba inhlelo zokuphathisa uzulu ezinjenge zimpilakahle kanye lokwakha imigwaqo.

Iphinde yathi akwaziwa lokuthi imali evela ekwenjiweni kwamadayimana iyangaphi ngakho-ke kumele uhulumende ahlolisise konke lokhu ukuze umnotho welizwe uthuthuke kahle lonyaka.

Ingcwethi kwezenotho uMnu. Rejoice Ngwenya uthi iIMF ibone kahle ngokwenzakala eZimbabwe osokumele kulungiswe nguhulumende.

XS
SM
MD
LG