Ilizwe liphakathi kokuhluza ukuba umnotho welizwe ungaba uhluzuke kanganani kulandela ukutshengisela kokungayi emsebenzini ngeviki edluleyo phakathi kokwesabela ukuthi kulokunye okungenziwa kusasa ingcwethi zomntho welizwe zithi ilizwe lingaba lalahlekelwa yimali enengi kakhulu ngalesi sehlakalo.
Ezinye ingcwethi zithi umnotho welizwe ungaba walahlekelwa yimali engedlula isigidi esisodwa lengxenye, i$150 million.
Enye yalezi ngcwethi, uMnu. Godfrey Kanyenze utshele iStudio Seven ukuthi kuzakubanzima ukuthi imali engaba yamotshakala ngesikhathi sokutshengisela itholakale.
Umkhokheli wenhlanganiso yezisebenzi eye Zimbabwe Congress of Trade Unions, uMnu. George Nkiwane utshele iStudio Seven ukuthi okumangalisayo yikuthi uhulumende wayesithi ukutshengisela kwangeviki edluleyo akuphumelelanga kodwa usekhala ngokuthi kwamotshakala imali.
"Into esimangalisayo yikuthi umonakalo asebekhuluma ngawo kathesi uvela ngaphi be busy bebhala emaphepheni besithi vele akuzange kube lalutho," kutsho uNkiwane.