amalinks wokungena

Breaking News

Inengi Lithi Umnotho Welizwe Ulokhu Usiba Lukhuni Ngamandla Ngenxa Yokukhuphuka Kwentengo Yempahla Okungelamkhawulo


Imali Yohlobo Lwama Bond Notes

Inengi labantu alisebenzi ngenxa yokubhidlika komnotho welizwe, njalo labo abasebenzayo bathi abenelisi ukuthenga okumqoka okweneleyo, okufana lokudla, izembatho, kanye lokubhadala indleko ezinengi.

Inengi lithi impilo ilokhu isiba lukhuni ngamandla ngenxa yokukhuphuka kwentengo yempahla okungelamkhawulo, kanye lokuswelakala kwemali emabhanga eyokusebenzisa.

Abantu abanengi abasebenzi ngenxa yokubhidlika komnotho welizwe, njalo labo abasebenzayo bathi abenelisi ukuthenga okumqoka okweneleyo, okufana lokudla, izembatho, kanye lokubhadala indleko ezinengi.

UMnu. Thembelani Dube, isiphathandla senhlanganiso ye Bulawayo Progressive Residents Association, elwela amalungelo abahlali balelidolobho uthi izakhamizi zithwele amagabha avuzayo.

UMnu. Albert Mhlanga, ongusomabhizimusi njalo eyisiphathamandla sebandla leMDC uthi eqinisweni, imuli eyodwa idinga imali edlula leyo eyo poverty datum line ukuthi iziphilise ngenyanga

UMnu. Dube usola ukumiswa kokusetshenziswa kohlelo lwe cash in cash out, olokuthengiselana imali libhanga elikhulu eleReserve Bank of Zimbabwe, udaba oluphikiswa yinkampani yeEcononet emthethwandaba.

Kodwa umfundisi Anglistone Sibanda, olwela ilungelo loluntu uthi kufanele abantu makhaza kanye labosomabhizimusi bencedisane lohulumende ukulungisa umnotho welizwe kulokuphambanisa inhlelo zika mongameli Mnangagwa.

Embikweni wakhe obalulekileyo owe State of the Nation Address owethulele ilizwe ngoLwesibili, umongameli Emmerson Mnangagwa uchasise ngenhlelo ezithile uhulumende azisungulayo ezokuthuthukisa umnotho welizwe eziphathelane lokwenjiwa kwamatshe aligugu, ezokulima, kanye lokuvuselela amafekithali.

please wait

No media source currently available

0:00 0:05:40 0:00


Facebook Forum

XS
SM
MD
LG