amalinks wokungena

Breaking News

Umnotho Welizwe Ungathuthuka Okwedlula i9.3% Lonyaka - Biti


Umphathintambo wezemali uMnu. Tendai Biti uthi umnotho weZimbabwe ulakho ukuthuthuka okwedlula obe kukhangelelwe kusungulwa umnyaka ka 2011 ngenxa yokuvuselelwa kwezokulima kanye lentengo ephezulu yokwenjiwayo.

UBiti utshele abezindaba abe Reuters ukuthi ukuthuthuka kwenotho yelizwe kuzedlula okungaphose kube yisilinganiso sokulitshumi ekhulwini loba nje inhlanganiso enika amazwe izikwelede eye International Monetary Fund isithi umnotho ungathuthuka kancane ngokuyisilinganiso esedlula okuhlanu ekhulwini.

Inhlanganiso ezikhangelane lokuthuthuka komnotho wamazwe kuzwekazi leAfrica yethule ugwalo oluthiwa yi 2011 Africa Economic Outlook olutshengisa ukuthi umnotho we Zimbabwe ungathuthuka ngokuphose kube yisilinganiso sokuthoba minwe mbili ekhulwini ngenxa yokuxokozela kwezombusazwe elizweni.

Ingcwethi kwezenotho uMnu. Daniel Ndlela uthi uBiti uphose wabona kahle ngokuthuthuka komnotho welizwe.

XS
SM
MD
LG