Inkampani ye Netherlands ecubungula ukusebenza kwemikambo yemali iAmstel Securities Private Limited ithi umsebenzi womkambo we Zimbabwe Stock Exchange wehle ngokwedlula okuyisikhombisa ekhulwini-7,5% kusukela nyakenye kusiya kuwonalo umnyaka.
Inkampani le ithi lokhu kubangelwe yikuxokozela kwezombusazwe kanye lohlelo lokwabela abansundu amashares amankampani emazweni olwe Indigenization.
Inkampani ye Amstel ithi umnotho womkambo wemali we Zimbabwe wedlulwa yimkambo yonke kuzwekazi le Africa ethuthuka okwamagama.
Ingcwethi kwezenotho lezombusazwe uMnu. Bekithemba Mhlanga utshele uGibbs Dube we Studio 7 ukuthi osomabhizimusi bemazweni besaba ukufaka imali yabo kulumkambo ngenxa yohlelo olungaqondakaliyo lokwabela abansundu amashares amankampani emazweni.
