Umnu. Tendai Biti umphathintambo obona ngezemali lo Mnu. Gideon Gono usibalukhulu webhanga elikhulu lelizwe iReserve Bank of Zimbabwe (RBZ) babikwa sebesenelisa ukusebenza ndawonye loba nje ibandla le Movement for Democratic Change (MDC) lilokhe lifuna ukuthi uGono axotshwe umsebenzi.
Inengi labasekeli be MDC ekhokhelwa nguMnu. Morgan Tsvangirai libikwa lingaselandaba lokuqhubeka kuka uGono ese RBZ njengoba amandla akhe esephungulwe ngumthetho we RBZ Amendment Act.
UGono wetheswa umlandu wokubhidliza inotho yelizwe kusabusa ibandla le Zanu PF lilodwa.
Kusenjalo, ukuthengiswa kwempahla yebhanga leli ukwenzela ukubhadala izikwelede zayo kuqhubekela phambili lanxa kusanda bunjwa iRBZ board ezaqondisa umsebenzi walelibhanga.
Umnu. Kucaca Phulu igqwetha elihlolisisa ezomthetho wamankampani utshele uGibbs Dube we Studio 7 ukuthi ukuthengiswa kwempahla le kungamiswa nxa ibhanga leli lingavumelana lamankampani la ukuwabhadala izikwelede kancance kancane.
