amalinks wokungena

Breaking News

UFortune Chasi Uxotshwa Esikhundleni Somphathintambo Obona Ngamandla Amagetsi


UMnu. Fortune Chasi

Isiphathamandla sikahulumende uMnu. Misheck Sibanda, wethule umbiko lo ngoLwesihlanu, esithi uMnu. Chasi ubengasasebenzi ngendlela ebifunwa ngumongameli Mnangagwa.

Umongameli Emmerson Mnangagwa usesuse uMnu. Fortune Chasi esikhundleni sokuba ngumphathintambo obona ngezamandla amagetsi owe Energy and Power Development, wabeka umeli we Muzarabani North edale lephalamende uMnu. Soda Zhemu endaweni yakhe.

UMnu. Anxious Jongwe Masuka usengumphathintambo wogatsha lwezokulima olwe lands, Agriculture, Water, and Rural Resettlement, kulandela ukubhubha kowayephethe lesi isikhundla, uMnu. Perence Shiri ngenyanga edluleyo.

Isiphathamandla sikahulumende uMnu. Misheck Sibanda, wethule umbiko lo ngoLwesihlanu, esithi uMnu. Chasi ubengasasebenzi ngendlela ebifunwa ngumongameli Mnangagwa.

UMnu. Chasi uthethe lesi isikhundla, esasiphethwe nguMnu. Jorum Gumbo, ngomnyaka ka 2019 ngemva kokuba ngumphathintambo wezemigwaqo, njalo abanye bebewuncoma umsebenzi wakhe.

Ukuhlaziya loludaba, sixoxa loNkosikazi Jasmine Toffa, ilunga ledale lephalamende, njalo engumabhalane wogatsha lweziphathelane lamagetsi kubandla leMDC.

UNkosikazi Toffa uthi uMnu. Chasi wenza kuhle ngokwethula uphenyo lwe forensic audit, olwaveza inkohlakalo eyayiqhubeka kunkampani yeZESA.

please wait

No media source currently available

0:00 0:03:26 0:00


Facebook Forum

XS
SM
MD
LG