amalinks wokungena

Breaking News

UKhansila Dube Munkombwe, owe MDC-T Usola Umkokheli Wakhe, UChamisa


Nelson Chamisa

UKhansila Dube Munkombwe, ongumgcinisihlalo weBinga Rural District Council ekubandla leMDC-T, kodwa ekhuluma ezimele, uthi uMnu. Chamisa uyaziphuphela nje kumihlangano yama rallies.

Umkhokheli womanyano weMDC Alliance uMnu. Nelson Chamisa utshele abalandeli bakhe emhlanganweni omkhulu we rally eMuchakata eMasvingo ngoLwesihlanu ukuthi esengene embusweni, uzalungisa izikolo lezibhedlela esezabhidlika phansi kombuso weZANU PF, ukwenzela ukuthi impilo yabantu ibengcono.

UMnu. Chamisa ugcizelele ukuthi uhulumende wakhe uzathuthukisa impilo yabantu bemaphandleni ngokulungisa imigwaqo, njalo abafakele amagetsi lempompi zamanzi.

Bekulokuhlabelela kanye lokusina kulumhlangano, lapho uMnu. Chamisa agcizelele ukuthi uhulumende wakhe kasoze avikele iziphathamandla eziyabe zilenkohlakalo.

please wait

No media source currently available

0:00 0:01:32 0:00

Ekhuluma emhlanganweni ofanayo, okhokhela uhlangothi lwabatsha kuMDC-T uMnu. Happymore Chidziva ukhuthaze abatsha ukuthi bephume ngobunengi ukuyavotela uMnu. Chamisa kukhetho ngenyanga ezayo.

UMnu. Chamisa ukhangelelwe ukuqhuba umhlangano ofanayo kusonesi isigaba seMasvingo eRutenga Growth Point ngoMgqibelo kanye leChiredzi ngeSonto.

Umongameli Emmerson Mnangagwa ubikwa engasabanga lowakhe umhlangano werally labalandeli bakhe bebandla leZANU PF njengalokhu obekukhangelelwe esigabeni esifanayo ngoLwesihlanu.

Ukuhlaziya imikhankaso kaMnu. Chamisa kanye lamathuba akhe okunqoba kukhetho oluzayo, sixoxe loKhansila Dube Munkombwe, umgcinisihlalo weBinga Rural District Council ekubandla leMDC-T, kodwa ekhuluma ezimele.

UKhansila Munkombwe, yena othi ulokhu elilunga leMDC-T, usole amazwi kaMnu. Chamisa esithi akuthembisa uzulu akusoze kufezeke.

Uphinde wasola iziphathamandla zeMDC Alliance, ezigoqela uMnu. Welshman Ncube kanye loMnu. Tendai Biti esithi zidinga umsebenzi nje kulumanyano ngoba amabandla eziwakhokhelayo engalasekelo.

please wait

No media source currently available

0:00 0:04:49 0:00

Facebook Forum

XS
SM
MD
LG