Amapholisa ngoMvulo ethese umeli weBinga North edale lephalamende uMnu. Prince Dubeko Sibanda, owebandla leMDC Alliance, icala lokukhuthaza ukuthi kube lodlakela elizweni ngemva kokubonakala enikeza izisebenzi zevinkilini lakoHyper koBulawayo amalembu amabili ayelotshwe ukuthi ibandla leZANU PF lisuke embusweni: “ZANU PF Must Go.”
U-Sibanda, omela iBinga North edale lephalamende ukhululwe emapholiseni njalo ukhangelelwe ukumiswa phambi kukamantshi emthethwandaba ngenyanga ezayo lapho okuzathethwa khona icala aletheswayo.
Ngakwelinye icele, kusungulwe ukuthethwa kodaba lokutshaywa kabuhlungu ngamapholisa kwabesifazana ababili abeCowdray Park koBulawayo oNkosazana Nokuthula loNtombizodwa Ndlovu.
Amapholisa abikwa esadingisisa njalo ngodaba lukaNkosazana Xolile Maphosa, othi wathunjwa koBulawayo njalo watshaywa ngababedinga umalumakhe, olwela ilungelo loluntu
Asizweni loludaba ngokugcweley, lapho esixoxa legqwetha uMnu. Nqobani Sithole omela oMaNdlovu, uMnu. Dubeko-Sibanda, kanye loNkosazana Maphosa.
