Umphathintambo wezemfundo yaphezulu, uMnu. Jonathan Moyo, usecele imvumo kuhulumende ukuthi umuli yakhe iphiwe imvumo yokugebha amathambo kayise owabulawa ngesikhathi se Gukurahundi angcwatshwe kakutsha ngemfanelo.
Uzulu wamukele lesi sehlakalo ngembono etshiyeneyo abanye besithi njengesiphathamandla sikahulumende kumele akhuthaze abanye bakhe kubandla leZanu PF ukuthi benze okufanayo ebantwini bonke abafayo ngesikhathi se Gukurahundi.
UMnu. Felix Magalela Mafa Sibanda owebandla leMDC-T, owake wazama edale lephalamende ukuthi uhulumende athathe inyathelo leli ngabantu abangcwatshwa mahlayana ngesikhathi se Gukurahundi, uyakusekela okufunwa nguMoyo.
"Siyamtshayela ihlombe uMnu. Jonathan Moyo ngenyathelo alithetheyo ngoba selizavula amathuba abanye labo abafuna ukwenza okunfanayo," kutsho uSibanda.
