amalinks wokungena

Breaking News

UKasukuwere Ulungiselela Ukuhlangana Labaqondisi Bamabhanga Abemazweni


Umphathintambo wezabatsha lokuthuthukisa inotho kazulu uMnu. Savior Kasukuwere ukhangelelwe ukuhlangana labaqondisi bamabhanga akwamanye amazwe asebenzela eZimbabwe ngoLwesibili eHarare.

UKasukuwere uthi umhlangano lo uzangenwa ngabaqondisi be Barclays, Stanbic, Standard Charttered Bank lamanye.

Uthi kuzahlafunwa ngohlelo lokwabela uzulu amashares olweIndigenization athi kumele luqalise emabhanga.

Uqhubeke ethi kusobala ukuthi kunengi osokwenziwe kwezemigodi lapho amankampani emazweni amanengi akhanya elandela ngemfanelo uhlelo lolu.

Iziqondiso zomthetho weIndigenization zikubeka sobala ukuthi kumele amankampani emazweni ahlephunele uzulu amashares ayisilinganiso sokungamatshumi edlula amahlanu ekhulwini – 51%.

Kodwa-ke umphathintambo wezemali uMnu. Tendai Biti losibalukhulu webhanga le Reserve Bank of Zimbabwe uMnu. Gideon Gono kabafuni ukuthi uhlelo lolu lwenziwe emabhanga emazweni.

Umnu. Samson Nhliziyo osebenzela elinye ibhanga le Zimbabwe uthi kulungile lokhu okwenziwa nguKasukuwere.

XS
SM
MD
LG