amalinks wokungena

Breaking News

UMnu. Welshman Ncube Usola Udlakela Elizweni

  • Sithandekile Mhlanga

UNcube uthe ukuvimbela abantu ukuthi besebenzise amaradio aweShortwave yikubancindezela ilungelo labo.

Umkhokheli welinye lamacele eMDC uMnumzana Welshman Ncube uyakusola kakhulu ukumemetheka kodlakela elizweni kanye lokuthathelwa kwabantu amaradio abawaphiwa zinhlanganiso ezizimeleyo amagagase eShortwave asebenzisa amandla elanga.

Ekhuluma emhlanganweni lenhlanganiso ezizimeleyo ngoLwesithathu eHarare, uNcube uthe ukuvimbela abantu ukuthi besebenzise amaradio la yikubancindezela njalo kusephula ilungelo labo.

Wethese ibandla le ZANU PF umlandu wokubangela udlakela ngaphambilini kokhetho, wanika umzekeliso wemfa kaChristpowers Maisiri obeleminyaka elitshumi lambili indodana yesiphathamandla secele leMDC elikhokhelwa nguMnu. Morgan Tsvangirai, otshiselwe endlini eHeadlands ngempelaviki.

Kodwa uMongameli Robert Mugabe ubikwa ethe bonke ababangela udlakela elizweni kuzamele babotshwe kungakhethekile ukuthi ngamalunga aliphi ibandla.

Amazwi kaNcube okusola udlakela agcizelelwe yisiphathamandla sebandla lakhe, uMnu. Edwin Ndlovu, yena othi akufanelanga amapholisa agcone imisakazo efana le Studio 7 ngoba inengi labantu, eligoqela lazo iziphathamandla zebandla le ZANU PF liyawulalela.

please wait

No media source currently available

0:00 0:02:13 0:00
Lapho esitholakala khona
XS
SM
MD
LG