amalinks wokungena

Breaking News

UMnu. Welshman Ncube Uthi Kaboni Lutho Olubi Ngokumela UMnu. Phelekezela Mphoko Emthethwandaba


Welshman Ncube

Umongameli wecele le MDC, uMnu. Welshman Ncube, oligwetha, uthi kaboni lutho olubi ngokumela owayengumsekeli kaMongameli, uMnu. Phelekezela Mphoko wasa uhulumende emthethwandaba esithi ufuna engezelewe imali ephiwa ndawonye lepentsheni ebalisa eyokuvakatsha eyokwelatsha lenye. UNcube uti umthetho awumvumeli ukwala ukumela umuntu ngoba elembono kumbe ibandla elehlukene leyakhe.

“Kulento okuthiwa ngama professional ethics okuba ligqwetha. Nikunike umzekeliso kubodokotela.

Umuntu engangena esibhedlela kumbe ku surgery yakho esesifa elimele kakuvunyelwa ukuthi uqalise ukubandlulula usithi lo umuntu uselunywe yinyoka mina ngizondana laye uyi opponent yami kumbe uyini ngimekele esifa nge posion yenyoka yona leyo,” kutsho uNcube.

Uthi njalo phansi kwesi sekelo sombuso welizwe umuntu ulelungelo lokumelwa ligqwetha alifunayo. Uthi umuntu engzikhethela igqwetha afuna limele ulelungelo lokwenza lokho.

UNcube uthi nxa igqwetha like lapha umbuno ngomuntu osekuzamele alimele igqwetha lilelungelo njalo elokucela ukungasebenzeli umuntu lo.

“Kodwa ngichasise futhi ukuthi kulomehluko omkhulu phakathi komthetho lokupolitika lama slogan awe politics,” kutsho uNcube.

Uthi wonke umuntu ulelungelo lokubanjwa ngengomsulu umthethwandaba nxa ungakamfumani lecala.

please wait

No media source currently available

0:00 0:03:27 0:00

Facebook Forum

XS
SM
MD
LG