Umdlalo wenguqu yiwo umdlalo olandelwa ngabanengi kwele Zimbabwe. Intathelizindaba yethu yezemidlalo uJoseph Njanji usilandisela ngokwenzakale kumdlalo lo kumnyaka wona lo esiwugqiba ngoLwesithathu.
Iqembu lama Warriors liphumelele ukuyadlala kumidlalo eye African Nations Championships eyaziwa ngcono ngokuthi Chan yona ezaqhutshelwa elizweni le South Africa ekuqaleni komnyaka ka 2014.
Lokhu kuthobe kancane inhliziyo zabasekeli baleliqembu abadaniswa yikwehluleka kwalo ukuphumelela kumidlalo eyokudinga amazwe azakuya dlala kumidlalo yezizwe zomhlaba ezaqhutshelwa eBrazil ngomnyaka ozayo.
Ekhuluma phezu kwamathuba eqembu lesizwe emidlalweni yeChan umdlali weqembu lesizwe uCharles Sibanda uthe uwabona emahle kakhulu.
I Zimbabwe ikusibaya sika Group B ndawonye le Morocco, iUganda kanye le Burkina Faso njalo izadlalela imidlalo yayo enkundleni ye Athlone esedolobheni le Cape Town.
Imidlalo yesigaba se Castle Premier League iphele iqembu leDynamos kuyilo eliphakamise isicoco seligi kuthi inkezo yeMbada Diamonds okuyiyo elemali enengi ukwedlula zonke ithethwe liqembu le Highlanders.
IDynamos izamela ilizwe kumidlalo yeCaf Champions League kuthi iqembu le How Mine lizamela iZimbabwe kumncintiswano ye Caf Confederations Cup ngemva kokuthatha indawo yeHighlanders yona engavunyelwayo ukuphatheka kulimidlalo okuyisijeziso eyasetheswa yinhlanganiso yeCaf eminyakeni eyadlulayo lapho ingasadlalanga kulumncintiswano kulandela ukubhaliswa kwayo yinhlanganiso yeZifa loba nje yona yayiphumele egcekeni yathi ayenelisi.
Umdlali weqembu le Dynamos uTawanda Muparati nguye okhethwe ukuba ngumdlali odlale ukwedlula abanye lonyaka elandelwa ngu Silas Songani lo Kuda Mahachi.
Uhlelo lokukhetha abadlali abadlale kuhle lusolwe kakhulu ngabalandeli bomdlalo kanobhutshuzwayo ngemva kokuba unozinti we Black Rhinos uHerbert Rusawo ekhethwe ukuba ngunozinti odlale ukwedlula abanye loba nje bekulabo nozinti ababili abangene kukhalenda abathi uGeorge Chigova we Dynamos kanye lo Munyaradzi Diya we Highlanders.
Amaqembu agunyulwe kusigaba saphezulu lonyaka ngathi iTripple B, iMotor Action, iBlack Mambas kanye le Monomotapa kuthi azabe edlala kusigaba saphezulu ngomnyaka ozayo evela kusigaba sika Division One ngathi iPlumtree Chiefs yona eyayisaziwa ngokuthi yi Bulawayo Chiefs njalo idlala kusigaba se Southern Region, iZPC Kariba ebidlala kuNorthern Region, iChapungu ephumelele kusigaba se Central Region ikanti kusigaba se Eastern Region bekunqobe iHippo Valley yona engaselakho ukudlala kusigaba saphezulu ngoba inkampani ebisekela leliqembu ngemali eye Tongatt Hullett ithe ingeke yenelise ukusekela amaqembu amabili njengoba kuyiyo njalo esekela iqembu leTriangle.
Iqembu lama Warriors liphumelele ukuyadlala kumidlalo eye African Nations Championships eyaziwa ngcono ngokuthi Chan yona ezaqhutshelwa elizweni le South Africa ekuqaleni komnyaka ka 2014.
Lokhu kuthobe kancane inhliziyo zabasekeli baleliqembu abadaniswa yikwehluleka kwalo ukuphumelela kumidlalo eyokudinga amazwe azakuya dlala kumidlalo yezizwe zomhlaba ezaqhutshelwa eBrazil ngomnyaka ozayo.
Ekhuluma phezu kwamathuba eqembu lesizwe emidlalweni yeChan umdlali weqembu lesizwe uCharles Sibanda uthe uwabona emahle kakhulu.
I Zimbabwe ikusibaya sika Group B ndawonye le Morocco, iUganda kanye le Burkina Faso njalo izadlalela imidlalo yayo enkundleni ye Athlone esedolobheni le Cape Town.
Imidlalo yesigaba se Castle Premier League iphele iqembu leDynamos kuyilo eliphakamise isicoco seligi kuthi inkezo yeMbada Diamonds okuyiyo elemali enengi ukwedlula zonke ithethwe liqembu le Highlanders.
IDynamos izamela ilizwe kumidlalo yeCaf Champions League kuthi iqembu le How Mine lizamela iZimbabwe kumncintiswano ye Caf Confederations Cup ngemva kokuthatha indawo yeHighlanders yona engavunyelwayo ukuphatheka kulimidlalo okuyisijeziso eyasetheswa yinhlanganiso yeCaf eminyakeni eyadlulayo lapho ingasadlalanga kulumncintiswano kulandela ukubhaliswa kwayo yinhlanganiso yeZifa loba nje yona yayiphumele egcekeni yathi ayenelisi.
Umdlali weqembu le Dynamos uTawanda Muparati nguye okhethwe ukuba ngumdlali odlale ukwedlula abanye lonyaka elandelwa ngu Silas Songani lo Kuda Mahachi.
Uhlelo lokukhetha abadlali abadlale kuhle lusolwe kakhulu ngabalandeli bomdlalo kanobhutshuzwayo ngemva kokuba unozinti we Black Rhinos uHerbert Rusawo ekhethwe ukuba ngunozinti odlale ukwedlula abanye loba nje bekulabo nozinti ababili abangene kukhalenda abathi uGeorge Chigova we Dynamos kanye lo Munyaradzi Diya we Highlanders.
Amaqembu agunyulwe kusigaba saphezulu lonyaka ngathi iTripple B, iMotor Action, iBlack Mambas kanye le Monomotapa kuthi azabe edlala kusigaba saphezulu ngomnyaka ozayo evela kusigaba sika Division One ngathi iPlumtree Chiefs yona eyayisaziwa ngokuthi yi Bulawayo Chiefs njalo idlala kusigaba se Southern Region, iZPC Kariba ebidlala kuNorthern Region, iChapungu ephumelele kusigaba se Central Region ikanti kusigaba se Eastern Region bekunqobe iHippo Valley yona engaselakho ukudlala kusigaba saphezulu ngoba inkampani ebisekela leliqembu ngemali eye Tongatt Hullett ithe ingeke yenelise ukusekela amaqembu amabili njengoba kuyiyo njalo esekela iqembu leTriangle.