amalinks wokungena

Breaking News

Izulu Lesikhulula Lidala Umonakalo Omkhulu eTsholotsho


Izulu lesikhukhula eline ngempelaviki lidale umonakalo endaweni ezitshiyeneyo zelizwe ezigoqela eTsholotsho lapho elikhukhule khona imizi yemuli ezedlula ikhulu.

Imuli ezinengi zihlengwe ngamahelicopter ebutho zahanjiswa endaweni eziqakemeyo esigabeni sako Sipepa.

Uhlelo lolu beluqhubeka ngoMvulo njalo umphathintambo obona ngokwakhiwa kwezabelo, uMnu. Savior Kasukuwere, uveze ukuthi besokuhlengwe imuli ezilikhulu.

Isakhamuzi seTsholotsho, uMnu. Believe Gaule, utshele iStudio 7 ukuthi umumo mubi kakhulu esigabeni lesi.

please wait

No media source currently available

0:00 0:02:11 0:00
Lapho esitholakala khona

“Sicela uncedo kulabo abangaphathisa. Okudingakala kakhulu yikudla, ingubo, amatende lokunye okungaphathisa abantu laba,” kutsho uMnu. Gaule.

Umphathintambo obona ngokuhamba kwezimota lokulungiswa kwemigwaqo uMnu. Joram Gumbo uthi mkhulu umonakalo obangelwe lizulu leli, elize leyezi leCyclone Dineo.

Wengeze wathi uhulumende wenza konke akwenelisayo ukuncedisa abaphatheke kubi.

UGumbo uphinde waxwayisa uzulu ukuthi engaze eqa imfula nxa igcwele.

Isixwayiso lesi siza ngemva kokufa komunye usomabhizimusi othwalwe ngumfula wafa ezama ukuwuchapha ugcwele.

please wait

No media source currently available

0:00 0:00:55 0:00
Lapho esitholakala khona

Facebook Forum

XS
SM
MD
LG